The Phnom Penh Post Search

Search form

EU ជ្រើសរើស​យុវជន ១៥០០០ នាក់​ឲ្យ​ដើរ​កម្សាន្ត​ឥត​គិត​ថ្លៃ

Content image - Phnom Penh Post
​​​យុវជន​ EU នឹង​ធ្វើ​ដំណើរ​​សិក្សា​ស្វែង​យល់​​ឥត​គិត​ថ្លៃ​។ AFP

EU ជ្រើសរើស​យុវជន ១៥០០០ នាក់​ឲ្យ​ដើរ​កម្សាន្ត​ឥត​គិត​ថ្លៃ

ក្រុងប្រ៊ុចសែល: សហភាព​អឺរ៉ុប (EU) កាលពី​សប្ដាហ៍​មុន បាន​ដំណើរការ​គម្រោង​ដើម្បី​ឲ្យ​យុវជន​អឺរ៉ុប​វ័យ ១៨ ឆ្នាំ​រាប់​ពាន់​នាក់​ដើម្បី​ធ្វើ​ដំណើរ​ទេសចរណ៍​ក្នុង​តំបន់​ដោយ​ឥត​គិត​ថ្លៃ​អំឡុង​រដូវ​ក្ដៅ​ជា​ផ្នែក​មួយ​នៃ​កិច្ច​ខិតខំ​ប្រឹង​ប្រែង ផ្សព្វផ្សាយ​អំពី​ទ្វីប EU។

ស្ថិតក្រោម​កម្មវិធី Discover EU យុវវ័យ​ពី​អឺរ៉ុប ១៥០០០ នាក់ អាចដាក់​ពាក្យ​ជិះ​រថភ្លើង រថយន្ដ​ក្រុង ស្រឡាង និង​ករណី​ខ្លះ​អាច​ដល់​យន្ដហោះ ឥត​គិត​ថ្លៃ នៅ​ខែ​ក្រោយ​ទៅ​កាន់​ប្រទេស​ចំនួន ២៨ ក្នុង​តំបន់​សហភាព​អឺរ៉ុប។

គណៈកម្មការ​អឺរ៉ុប ជា​ផ្នែក​ប្រតិបត្ដិ​មក​ពី EU បាន​ឲ្យ​ដឹង​ថា៖ «យើង​នឹង​គ្រោង​ផ្ដល់ឲ្យ​យុវជន ១៥០០០ នាក់​នូវ​ឱកាស​ធ្វើ​ដំណើរ​ជុំវិញ​តំបន់​អឺរ៉ុប​នា​រដូវ​ក្ដៅ​នេះ»។

គណៈកម្មការ​បាន​បន្ដ​ថា៖ «យើង​នឹង​ជួយ​ពួកគេ​ស្វែងរក​នូវ​កេរ​ដំណែល​វប្បធម៌​ដ៏​សម្បូរ​បែប​ក្នុង​ទ្វីប​នេះ ផ្សារ​ភ្ជាប់​ទំនាក់​ទំនង​ជាមួយ​អ្នក​ស្រុក និង​សិក្សា​ពី​វប្បធម៌​របស់​ពួកគេ និង​ព្រមទាំង​ស្វែងរក​នូវ​អ្វី ដែល​ដូចគ្នា​នឹង​អឺរ៉ុប»។

គម្រោង​នេះ​ដែល​ត្រូវបាន​ស្នើឡើង​ដោយ​សភា​អឺរ៉ុប មាន​ថវិកា ១៤ លាន​ដុល្លារ។ យុវវ័យ​ដែល​ត្រូវបាន​ជ្រើសរើស នឹង​ដឹង​លទ្ធផល​អំឡុង​ពេល ២ សប្ដាហ៍​នៅ​ក្នុង​ខែ​មិថុនា ឆ្នាំ ២០១៨ តាមរយៈ​European Youth Portal។

គណៈកម្មការ​នឹងធ្វើ​ការ​ជ្រើសរើស​អ្នកមាន​សំណាង​ចូលរួម​ដំណើរ​កម្សាន្ត​ដំបូង ១៥០០០ នាក់​មុន​ពេល​ជ្រើសរើស​តង់​ទី ២ នឹង​ធ្វើ​ឡើង​បន្ទាប់​ក្នុង​ឆ្នាំ​នេះ អាស្រ័យ​លើ​ថវិកា​សេស​សល់៕

អត្ថបទគួរចាប់អារម្មណ៍

  • អាជ្ញាធរ​ហាម​កប់​សព ឬ​ធ្វើ​ម៉ុង​នៅ​តាម​ជើងភ្នំ​ស្វាយ

    បន្ទាយមានជ័យៈ អាជ្ញាធរ​ខេត្ត​បន្ទាយមានជ័យ​បាន​ចេញ​បម្រាម​មិន​ឲ្យ​មាន​ការ​សាងសង់​ផ្នូរ​កប់​សព ធ្វើ​ចេតិយ​ ឬ​ធ្វើ​ម៉ុង​នៅ​តាម​ជើងភ្នំ​ស្វាយ​ក្នុង​ក្រុង​សិរីសោភ័ណ​ទៀត​ឡើយ ដោយសារ​តែ​វា​ធ្វើឲ្យ​ខូច​ដល់​សោភណភាព​ភ្នំ​ធម្មជាតិ​ដែល​ជា​ទី​ទៅ​កម្សាន្ត​សម្រាប់​ភ្ញៀវទេសចរ​ជាតិ និង​អន្តរជាតិ​។ ការសម្រេច​នេះ​ត្រូវ​បាន​ធ្វើ​ឡើង​នៅក្នុង​កិច្ចប្រជុំ​មួយ​នៅ​សាលាខេត្ត​កាលពី​ថ្ងៃទី​ ១៤ ខែ​សីហា​ឆ្នាំ​ ២០១៨​។

  • ចិន​នឹង​បញ្ជូន​ក្រុម​អ្នកចរចា​ទៅ​អាមេរិក

    ក្រុងប៉េកាំងៈ ក្រសួង​ពាណិជ្ជកម្ម​ចិន​បាន​ឲ្យ​ដឹង​កាលពី​ថ្ងៃ​ព្រហស្បតិ៍​ថា ចិន​នឹង​បញ្ជូន​អ្នកចរចា​ជាន់​ខ្ពស់​ទៅ​សហរដ្ឋអាមេរិក​នៅ​ចុង​ខែ​សីហា​នេះ ដើម្បី​បន្ត​ការចរចា​ពាណិជ្ជកម្ម​ឡើង​វិញ ដែល​ជា​កិច្ចប្រជុំ​សាធារណៈ​លើកដំបូង​ក្នុង​រយៈពេល​ជាច្រើន​សប្ដាហ៍​ទាក់ទង​នឹង​ប្រធានបទ​នេះ ខណៈ​ជម្លោះ​ពាណិជ្ជកម្ម​មាន សភាព​កាន់តែ​ខ្លាំង​ឡើង​។

  • បរទេស​ និង​ខ្មែរ​ ៥៣ ​នាក់​ត្រូវ​បាន​ចាប់​ខ្លួន​ពាក់ព័ន្ធ​នឹង​គ្រឿងញៀន

    ព្រះសីហនុៈ ជនបរទេស និង​ខ្មែរ​ចំនួន​ ៥៣ ​នាក់​ត្រូវ​បាន​ចាប់ខ្លួន​កាលពី​ម្សិលមិញ​នៅក្នុង​សង្កាត់​លេខ​ ៤ ក្រុង​ព្រះសីហនុ​ពេល​កំពុង​ប្រព្រឹត្ត​បទល្មើស ជួញដូរ និង​ប្រើប្រាស់​គ្រឿងញៀន​នៅក្នុង​រង្គសាល​ស្កាយឡាញ​ ១ ​កន្លែង​។

  • CPP ការពារ​លទ្ធផល​បោះឆ្នោត ហើយ​ថា​រាល់​ការរិះគន់​គឺជា​ការប្រមាថ​ប្រជាជន​កម្ពុជា​យ៉ាង​ធ្ងន់ធ្ងរ

    ភ្នំពេញៈ បន្ទាប់ពី​ទទួល​បាន​ជ័យជម្នះ​ក្ដោប​ក្ដាប់​យក​អាសនៈ​ទាំង​ ១២៥ នៅក្នុង​រដ្ឋសភា មន្ត្រី​ជាន់ខ្ពស់​នៃ​គណបក្ស​ប្រជាជន​កម្ពុជា​កាលពី​ម្សិលមិញ​បាន​ចេញ​មុខ​នៅ​ចំពោះ​ប្រព័ន្ធ​ផ្សព្វផ្សាយ​ជាតិ និង​អន្តរជាតិ​ដើម្បី​ការពារ​ជ័យជម្នះ​ដែល​ទទួល​បាន​ពី​ការបោះឆ្នោត​កាលពី​ថ្ងៃទី​ ២៩ ខែ​កក្កដា​កន្លង​មក​នេះ ហើយ​ក៏​បាន​វាយបក​ធ្ងន់ៗ​ប្រឆាំង​បណ្ដា​ប្រទេស​ប្រជាធិបតេយ្យ​ខ្លះ និង​អតីត​គណបក្ស​ប្រឆាំង​ដែល​រិះគន់​ខ្លួន​ថា​បាន «​ប្រមាថ​យ៉ាងធ្ងន់ធ្ងរ​» ដល់​ឆន្ទៈ​ប្រជាជន​កម្ពុជា ហើយ «​ឧបាយកល​ដ៏ពិសពុល​» របស់​ពួកគេ​បាន​ទទួល​បរាជ័យ​ជា​អ្វី​ដែល​អតីត​មន្ត្រី​ជាន់ខ្ពស់​គណបក្ស​ប្រឆាំង និង​អ្នកវិភាគ​ជំទាស់​។