The Phnom Penh Post Search

Search form




Logo of Phnom Penh Post newspaper Phnom Penh Post - The Mic Cambodia រដូវកាល​ទី​១​ បទ ​«ធ្លាប់​ទេ​»​ ជាប់​លេខ​១

The Mic Cambodia រដូវកាល​ទី​១​ បទ ​«ធ្លាប់​ទេ​»​ ជាប់​លេខ​១

Content image - Phnom Penh Post
យុវតី អ៊ុង មិសុទ្ធធីតា ​ឈរកាន់​កូន​សោរ​ឡាន​​​ Marcedez សម្រាប់​ជិះកំសាន្ដ​រយៈពេល​១ សប្ដាហ៍ និងរង្វាន់​ជា​ច្រើនទៀត​ពី​កម្មវិធី​ The Mic Cambodia។ រូបថត​ដោយ វ៉ន​ ដារ៉ា

The Mic Cambodia រដូវកាល​ទី​១​ បទ ​«ធ្លាប់​ទេ​»​ ជាប់​លេខ​១

​ភ្នំពេញ​ក្រុម​តន្រ្ដី​យុវនារី​មាន​សមត្ថភាព​ខ្ពស់ Cage Pitch បាន​ក្លាយ​ជា​ក្រុម​ចម្រៀង​លេខ ​១ ​សម្រាប់​រដូវ​កាល​ទី​ ១ ​នៃ​ការ​ប្រគំ​​តន្រ្ដី​ Original Song ដំ​ណាក់​កាល​ដំបូង​មុន​គេ​ក្នុង​ស្រុក​ ដែល​មាន​ការ​គាំ​ទ្រ​យ៉ាង​គគ្រឹក​គគ្រេង​ពី​យុវជន​យុវតី​ខ្មែរ​កាល​ពី​ល្ងាច​ម្សិល​មិញ នៅ​វិទ្យា​ស្ថាន​បច្ចេកវិទ្យា​កម្ពុជា (តិចណូ) នៅក្នុង​កម្មវិធី​ The Mic Cambodia រដូវកាល​ទី​១។

ការ​ប្រកួត​ចម្រៀង​មិន​ចម្លង​ពី​គេ The Mic Cambodia រដូវ​កាល​ ទី១ នេះ បេក្ខជន​លេខ ១ ទទួល​បាន ទឹក​ប្រាក់​ចំនួន ១០០០ ដុល្លារ​អាមេរិក​ លេខ ២​៖ ៧៥០ ដុល្លារ និង​លេខ ៣៖ ៥០០ ដុល្លារ ​​រួម​ទាំង​វត្ថុ​អនុស្សាវរីយ៍ ផ្សេងៗ​ជា​ច្រើន​ទៀត។

ខណៈ​ដែល​យុវតី​វតី​ ក្រុម​ Cage Pitch ​​បាន​លើក​យក​បទ​ចម្រៀង​មួយ​បទក្រោម​​ចំណង​ជើង​ថា «ធ្លាប់​ទេ»​ ដែល​បាន​ដក​ស្រង់​ចេញ​ពី​បទ​ពិសោធ​​ផ្ទាល់របស់​​យុវតីមួយ​​រូបក្នុង​ក្រុម​នេះ​ ធ្លាប់​បាន​ជួប​ប្រទះ​​កាល​នាង​​នៅ​សិក្សា​​វិទ្យាល័យ​ មក​ដាក់​ប្រកួត​ជា​មួយ​បេក្ខជន​ដទៃទៀត​ក្នុង​ចំណោម​ជាង​ ​៦០ ​នាក់​តាំង​តែ​ពី​តំណាក់​ដំបូង​រហូត​ដល់​ដំណាក់​កាល​ ១៥ នាក់ ​ចុង​ក្រោយ​​​។

ក្នុង​ឈុតសំលៀក​បំ​ពាក់​ព័ណ៌​ខ្មៅ ដូច​ជា​តារា​ចម្រៀង​អាជីព​មួយ​រូប យុវតី អ៊ុង វិសុទ្ធធីតា ​បាន​ប្រាប់​មក​គេហទំព័រ​ យុវវ័យ LIFT នៃ​កាសែត​ភ្នំ​ពេញ​បុស្ដិ៍​ថា៖ «​បទ​ចម្រៀង​មួយ​បទ​នេះ (ធ្លាប់ទេ​) ចង់​​បង្ហាញ​ពី​ការ​ឈឺ​ចាប់​ដែល​ត្រូវ​បាន​គេ​ក្បត់ទៅ​អ្នក​ស្ដាប់​​ ​ថា​តើ​ធ្លាប់​មាន​គេ​ក្បត់​ទេ?​ អាចនៅ​​ក្នុង​ន័យ​មិត្ដ​ភាព ឬ ស្នេហា​ក៏បាន​»។

យុតី​រូបនេះ​ ​ប្រាប់​ថា «បទ​ចម្រៀង​មួយ​បទ​នេះ​ ខ្ញុំ​បាន​និពន្ធ​ឡើង​តាំង​ពី​អំឡុង​ ខែ​កក្កដា​មក​​ម្ល៉េះ​ ហើយ​បទ​នេះ​ខ្ញុំ​​ក៏​ធ្លាប់​បាន​យក​ទៅ​ច្រៀង​នៅ​ក្នុង​កម្ម​វិធី​សប្បុរស​ធម៌​ «នភា» រួច​ម្ដង​មក​ហើយកាល​ពី​ខែ​វិច្ឆិកា ​កន្លង​មក​នេះ»។

ទាក់​ទិន​ទៅ​នឹង​ការ​និពន្ធ​ និង​ការ​ចំណាយ​ទៅ​លើ​​បទ​ចម្រៀង​មួយ​បទ​នេះ​ ធីតា​ ​ប្រាប់​ថា៖ «ទម្រាំ​បាន​​សម្រួល​បទ​ចម្រៀង​មួយ​បទ​នេះ​យក​មក​ច្រៀង​បាន ​ខ្ញុំ​ត្រូវ​ចំណាយ​ថវិការ​ផ្ទាល់​ខ្លួន​អស់​រាប់​រយ​ដុល្លារ​មក​ហើយ​»។

កំពុង​រៀន​ជំនាញ​ផ្នែក​ធនាគារ​ ឆ្នាំ​ទី​៤ នៅ​សាកលវិទ្យាល័យ ​ហ្សាម៉ាន់​ យុវតី​តំណាង​ក្រុម​ជយលាភី​លេខ ១ ​រូប​នេះ​បន្ត​​ថា «តាម​ពិត​ខ្ញុំ​មិន​សូវ​ចង់​រៀន​ជំនាញ​ធនាគារ​នេះ​ទេ គឺ​ខ្ញុំ​ស្រលាញ់​វិស័យ​សិល្បៈ​ជាង​ ប៉ុន្ដែ​ម៉ាក់​ប៉ា​ថា សិល្បៈ​គ្មាន​​ទី​ផ្សារ​ទេ​នៅ​ស្រុក​ខ្មែរ ​ដូច្នេះ​គាត់​ឲ្យ​ខ្ញុំ​រៀន​ជំនាញ​ធនាគារ​វិញ​»។

ប៉ុន្ដែ​ទោះ​ជា​យ៉ាង​ណា យុវតី​វ័យ​ ១៩​ ឆ្នាំ តំណាង​ឲ្យ​ក្រុម​មាន​គ្នា ​៣ នាក់​សុទ្ធ​តែ​នារី​រូប​នេះ ​បាន​ឲ្យ​ដឹង​ថា ទៅ​ថ្ងៃ​អនាគត​កញ្ញា​ចង់​ទៅ​សិក្សា​បន្ដ​លើ​ជំនាញ​សិល្បៈ​នៅ​ប្រទេស​ កូរ៉េ​ខាង​ត្បូង ​ដើម្បី​មក​បើក​​ផលិត​កម្ម​ក្នុង​ស្រុក​ដោយ​ខ្លួន​ឯង​៕

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។