The Phnom Penh Post Search

Search form




Logo of Phnom Penh Post newspaper Phnom Penh Post - Project Inspire ឆ្នាំ​នេះ​លើក​ឡើង​អំពី «ការ​លើក​កម្ពស់​ការយល់​ដឹង​ និង​គុណ​តម្លៃ​បន្ថែម​នៃ​អាជីព​មួយ​ចំនួន​ដែល​សង្គម​មិន​ទាន់​ផ្តល់​តម្លៃ​គ្រប់​គ្រាន់​»

Project Inspire ឆ្នាំ​នេះ​លើក​ឡើង​អំពី «ការ​លើក​កម្ពស់​ការយល់​ដឹង​ និង​គុណ​តម្លៃ​បន្ថែម​នៃ​អាជីព​មួយ​ចំនួន​ដែល​សង្គម​មិន​ទាន់​ផ្តល់​តម្លៃ​គ្រប់​គ្រាន់​»

Content image - Phnom Penh Post
ក្រុមយុវជនចូលរួម​និង​រៀប​ចំ​កម្មវិធី Project Inspire កាល​ពី​ឆ្នាំ​មុន។ រូបថត សហការី

Project Inspire ឆ្នាំ​នេះ​លើក​ឡើង​អំពី «ការ​លើក​កម្ពស់​ការយល់​ដឹង​ និង​គុណ​តម្លៃ​បន្ថែម​នៃ​អាជីព​មួយ​ចំនួន​ដែល​សង្គម​មិន​ទាន់​ផ្តល់​តម្លៃ​គ្រប់​គ្រាន់​»

ភ្នំពេញៈ ក្រុម Project Inspire សហការ​ជាមួយ SSEAYP International Cambodia (SIC)​ និង​បង្កើត​អង្គ​សន្និបាត Project Inspire​ 2017 ​ដែល​នឹង​ប្រារព្ធ​ឡើង ​នៅ​ថ្ងៃទី​១០ ខែ​មិថុនា ឆ្នាំ​២០១៧ CKCC ក្រោម​ប្រធាន​បទ«ការ​លើក​កម្ពស់​ការយល់​ដឹង​ និង​គុណ​តម្លៃ​បន្ថែម​នៃ​អាជីព​មួយ​ចំនួន​ដែល​សង្គម​មិន​ទាន់​ផ្តល់​តម្លៃ​គ្រប់​គ្រាន់​»។

Project Inspire​ ជា​សន្និបាត​មួយ​បង្កើត​ឡើង​ក្នុង​គោល​បំណង បណ្ដុះ​ចិត្ត​គំនិត​យុវជន​ខ្មែរ ឲ្យ​មាន​គំនិត​ទូលំ​ទូលាយ មាន​ចិត្ត​មោះមុត ​ដើម្បី​សម្រេច​ក្ដី​សុបិន្ដ​របស់​ខ្លួន ។ Project Inspire ក៏​ជា​វេទិការ​មួយ​ដែល​បាន​លើក​ស្ទួយ​សង្គម ​តាមរយៈ​ការ​លើក​យក​នូវ​បញ្ហា សង្គម​នា​នា​ មក​ធ្វើ​ការ​វិភាគ និង​ស្វែង​រក​ដំណោះ​ស្រាយ បន្ថែម​ជា​មួយ​ការ​បញ្ជ្រាប​ចំណេះ​ដឹង​ នៃការ​​វិភាគ ​ដល់​យុវជន និង​ប្រជា​ពល​រដ្ឋ​គ្រប់រូប។

កាល​ពីឆ្នាំ​ ២០១៦ អង្គ​សន្និបាត Project Inspire បាន​ប្រារព្ធ​ឡើង​ក្រោម​ប្រធាន​បទ​ «តួនាទី​របស់​ប្រព័ន្ធ​ផ្សព្វ​ផ្សាយ​ក្នុង​ការ​លើក​កម្ពស់​សន្តិភាព​» ​ខណៈ​មាន​យុវជន និង​សិស្សា​នុសិស្សា ប្រមាណ​ជាង​៦០០ នាក់ បាន​ចូល​រួម​។ ឆ្នាំ​នេះ Project Inspire នឹង​ធ្វើ​បទ​បង្ហាញ​លើ​ប្រធាន​បទ «ការ​ឲ្យ​តម្លៃ វិជ្ជាជីវៈ​ ការងារ ​ដែល​ត្រូវ​បាន​គេ​មើល​រំលង​» ដោយ​បង្កើត​តាម​របៀប ​Ted-Talk ជាមួយ​វាគ្មិន​សំខាន់ៗ​បីរូប រួម​ជាមួយ​ការ​ជជែក​ពិភា​ក្សា​ដោយ​ផ្ទាល់។

យុវជន ក៏​អាច​មាន​ឱកាស​ស្វែង​យល់​បន្ថែម​ អំពី​សេចក្ដី​ថ្លែង សុន្ទរកថា និង​ កិច្ច​ពិភាក្សា​ សំនួរ-ចម្លើយ​ ពី​វាគ្មិន​ផងដែរ​។ កញ្ញា ខូវ តេងហ៊ុយ អ្នក​ដឹកនាំ​គម្រោង Project Inspire បាន​ថ្លែង​ប្រាប់ LIFT ឲ្យ​ដឹង​ថា «សន្និបាត​នេះ​ នឹង​ធ្វើ​ឲ្យ​យុវជន ក៏ដូចជា​អ្នក​ចូលរួម​ យល់​ដឺង​ពីការ​លំបាក ការ​តស៊ូ ​ខិតខំ​ប្រឹងប្រែង ការ​ចំណាយ ​ពេល​វេលា កម្លាំង​កាយ​ចិត្ត ​ទៅ​លើ ​ការងារ»។

កញ្ញា​បន្ដ​ថា «យើង​ក៏​មាន​ទិសដៅ​ក្នុង​ការ​ជំរុញ​ លើក​ទឹកចិត្ត​ ដល់​យុវជន ឲ្យ​បន្ត​ តស៊ូ​ទៅ​មុខ​ទៀត ដើម្បី​ជម្នះ​ឧបសគ្គ​ទំាង​ឡាយ»។ វាគ្មិន​បី​រូប ដែល​ចូលរួម​ក្នុង​អង្គ​សន្និបាត​នេះ មាន​លោក​បណ្ឌិត​ ញ៉ែម បូរ៉ា​ដែន លោក ស៊ាង ​សុបញ្ញា និង​លោក កង​ ឫទ្ធី​សាល។

គម្រោង Project Inspire Cambodia ត្រូវ​បាន​ផ្តួច​ផ្តើម​បង្កើត​ឡើង​កាល​ពី​ឆ្នាំ​ ២០១៦ ដោយ​កញ្ញា ស៊ូ ហ្សូលីដា ដើម្បី​ជំរុញ​ទឹក​ចិត្ត​ឲ្យ​យុវជន​ចូលរួម​សកម្មភាព​នៅ​ក្នុង​សង្គម​ដើម្បី​ជួយ​ដល់​យុវជន​ដទៃ​ទៀត​និង​សង្គម​ជាតិ​ ខណៈ​នេះ កញ្ញា​កំពុង​បន្ដ​ការ​សិក្សា​នៅ​ក្រៅ​ប្រទេស។

សំបុត្រ​ចូលរួម​១សន្លឹក ១០ ០០០៛ ​សម្រាប់​អាហារ​សំរ៉ន់​ ហើយ​អ្នក​ចូលរួម ​ក៏​មាន​ឱកាស​ទួល​បាន​រង្វាន់​និង​ការដូ​ជាច្រើន​ទៀត ដែល​នឹង​​ចាប់​រង្វាន់​ ​នៅ​ចុង​បញ្ចប់​នៃ​កម្មវិធី។ ព័ត៌មាន​បន្ថែម​៖​ លេខ​ទូរសព្ទ​ទំនាក់​ទំនង​៖ ០៩២ ៩៧៧ ៣២២/ ០១០ ៦២៦ ៧៣៦៕

អត្ថបទគួរចាប់អារម្មណ៍