The Phnom Penh Post Search

Search form




Logo of Phnom Penh Post newspaper Phnom Penh Post - UCMAS កម្ពុជា ត្រៀម​ខ្លួន​ និង​​ពង្រឹង​សមត្ថ​ភាព​ ធ្វើ​ម្ចាស់​ផ្ទះ​ប្រកួត​អន្តរជាតិលើកទី២៤

UCMAS កម្ពុជា ត្រៀម​ខ្លួន​ និង​​ពង្រឹង​សមត្ថ​ភាព​ ធ្វើ​ម្ចាស់​ផ្ទះ​ប្រកួត​អន្តរជាតិលើកទី២៤

Content image - Phnom Penh Post
ការប្រឡងកម្រិតអន្តរជាតិ (IGE) ប្រចាំឆ្នាំ ២០១៩ នៅមជ្ឈមណ្ឌលសហប្រតិបត្តិការកម្ពុជា-កូរ៉េ (CKCC)។ សហការី​

UCMAS កម្ពុជា ត្រៀម​ខ្លួន​ និង​​ពង្រឹង​សមត្ថ​ភាព​ ធ្វើ​ម្ចាស់​ផ្ទះ​ប្រកួត​អន្តរជាតិលើកទី២៤

ភ្នំពេញៈ​ កាល​ពី​ថ្ងៃទី ១៩ ខែកុម្ភៈ ឆ្នាំ​ ២០១៩ រយៈពេលពេញមួយថ្ងៃ​សាលាអាយឃីដ កម្មវិធី UCMAS បាន​រៀបចំ​កម្មវិធី ប្រឡងកម្រិតអន្តរជាតិ (IGE) ប្រចាំឆ្នាំ ២០១៩​ នៅ​មជ្ឈមណ្ឌល​សហ​ប្រតិ​បត្តិ​ការកម្ពុជា-កូរ៉េ (CKCC)។ កម្មវិធីនេះ ត្រូវ​បាន អញ្ជើញ​ចូលរួមដោយ​​ កញ្ញា ហេង រចនា ជា​នា​យិកា គ្រប់​គ្រង UCMAS កម្ពុជា និង​​ម្ចាស់អាជ្ញាប័ណ្ណ រួម​ទាំង​មាន​​លោកគ្រូ​អ្នកគ្រូ​ អាណា​ព្យា​បាល​សិស្ស និងសិស្សានុសិស្ស​ ដែលជាបេក្ខជនប្រឡងសរុបចំនួន​ ២ ០០០ នាក់។

នាឱ​កាសនោះដែរ កញ្ញា ហេង រចនា នាយិកា គ្រប់គ្រង UCMAS កម្ពុជាបានឲ្យ​ដឹង​ថា៖ «​កម្ម​វិធី​ប្រឡ​ងកម្រិតអន្តរជាតិ​ (IGE) ប្រចាំឆ្នាំ ២០១៩ នេះ​ ធ្វើឡើងក្នុងគោលបំណងដើម្បីឲ្យ​សិស្សានុ​សិស្ស​របស់​កម្មវិធី UCMAS ប្រកួត​ប្រជែង​សមត្ថភាព​របស់​​ពួកគេទៅលើ ២ វិញ្ញាសា​គឺ វិញ្ញាសា​ Mental និងវិញ្ញាសា Abacus ដែល​មានចំនួន​ ១១ កម្រិតខុសៗគ្នា។​

Content image - Phnom Penh Post
កញ្ញា ហេង រចនា នាយិកាគ្រប់គ្រង UCMAS កម្ពុជា។ សហការី​

តាម​រយៈការប្រឡងរបស់ កម្មវិធី UCMAS នេះនឹងផ្តល់ឲ្យ​បេក្ខជន​ ដែល​ប្រឡង​ជាប់​ទទួល​បាន​នូវ​វិញ្ញា​​បន​បត្រ​ពីប្រទេសម៉ាឡេស៊ី​ ដែល​ទទួលស្គាល់ពី ៧៩ ប្រទេស​ជុំវិញពិភពលោក​ ក៏​ដូចជា​ជម្រុញ​​ឲ្យ​ការរៀនសូត្ររបស់កុមា​ររឹតតែខ្លាំងឡើង​ នឹង​ពង្រឹង​​គុណភាព​កាន់តែ​ល្អប្រសើរ​ពោល​គឺ​បង្កើន​​​ភាពជឿជាក់ ននិង​សេចក្តី​កា្លហានរបស់​កុមារ​កម្ពុជាគ្រប់ៗរូប។

បើតាមការបញ្ជាក់បន្ថែមរបស់កញ្ញា​ ហេង រចនា បានឲ្យ​ដឹង​​ថា​ សាលា​អាយឃីដនោះ កម្មវិធី UCMAS កម្ពុជា​នឹង​​ត្រៀម​ខ្លួន​ទទួលធ្វើជាម្ចាស់ផ្ទះ សម្រាប់កម្មវិធីប្រឡងថ្នាក់​អន្តរជាតិលើកទី២៤ នៅ​ទី​ក្រុង ភ្នំពេញ​​ នៃ​ព្រះរាជាណាចក្រកម្ពុជា​ ​ដែលមានការ​ចូលរួម​ពី​សំណាក់​​ភ្ញៀវ​​ជាតិ និង​អន្តរជាតិ ជា​ម្ចាស់ អាជ្ញា​​បណ្ណ័ អាណាព្យាបាលសិស្ស និង​សិស្សានុសិស្ស ជាបេក្ខជនប្រឡងសរុបចំនួន​ជាង ១​ ម៉ឺន​នាក់ មក​​ពី ៧៩ ប្រទេសជុំវិញពិភពលោក។ កម្ម​វិធីប្រកួត​នឹង​ប្រព្រឹត្តិទៅ​ក្នុងបរិវេណ​មជ្ឃមណ្ឌលដឹ ព្រេ​មៀ​​សេន​ធ័រ សែន​​សុខភ្នំពេញ​ (The Premier Center Sen Sok) នា​ខែធ្នូ ឆ្នាំ ២០១៩ ខាង​មុខ​នេះ។

ដូ​ច្នេះ​សិស្ស UCMAS កម្ពុ​ជា ទាំងអស់ត្រូវតែ ខិតខំសិក្សា អនុវត្តបន្ថែម ​និង​ត្រៀមខ្លួនឲ្យ​បានរួចរាល់​ដើម្បី​​​ទទួល​បាន​ជោគជ័យ នៅ​​ក្នុង​ព្រឹត្តិការណ៍​ ជា​ប្រវត្តិ​សាស្រ្ត​​កម្មវិធីគណនាលេខ​ ដោយ​ប្រើ​ខួរ​ក្បាល​ និង​ក្បាច់​​គិតលេខចិន​បុរា​ណហៅ​ថា​​ Abacus​ ថ្នាក់​អន្តរជាតិ​លើកទី ២៤ នៃ​កម្មវិធី UCMAS​៕

Content image - Phnom Penh Post

Content image - Phnom Penh Post

អត្ថបទគួរចាប់អារម្មណ៍

  • កីឡារាំ​ រក​ឃើញ​ជោគជ័យ​កាន់​តែ​ធំ មុន​ទៅ​ស៊ីហ្គេម

    ភ្នំពេញ៖ ​ក្រុម​កីឡាករ កីឡាការិនី​រាំ​​របស់​កម្ពុជា ដណ្តើម​បាន​មេដាយ​មាស​រហូត​ដល់ ៨ ព្រម​ទាំង​មេដាយ​ប្រាក់ ​៧​ និង​មេដាយ​សំរឹទ្ធ​ ​៦ ពី​ការ​ប្រកួត​កីឡារាំ​ជើងឯក​​អាស៊ី ADSF Asian Youth Single Dance Championship និង ADSF Asain Hong Kong Open 2019 នៅ​ទីក្រុង​ហុងកុង

  • ខុនដូ​គម្រោង Phnom Penh Harbour ចាប់ផ្តើម​សាងសង់

    ភ្នំពេញៈ អគារ​ខុនដូ​ចំនួន ២ ដែល​មាន​កម្ពស់​ ៤៦ ​ជាន់ ​ក្នុង​គម្រោង​អភិវឌ្ឍន៍ Phnom Penh Harbour ឬ The City Gate របស់​ក្រុមហ៊ុន Yuetai Group បានចាប់ផ្តើម​បុកគ្រឹះ​សាងសង់​ហើយ​កាលពី​ចុងខែ​តុលា​កន្លងមក ​ដោយ​គ្រោង​បញ្ចប់​ការសាងសង់​នៅ​ចុង​ឆ្នាំ​ ២០២២​។

  • បញ្ជូន​បុរស​វៀតណាម​ទៅ​តុលាការ​ រឿង​លួច​រថយន្ត​ដោយ​ផ្ដាច់​ GPS

    ភ្នំពេញៈ ​បុរស​ជនជាតិ​វៀតណាម​ម្នាក់​ត្រូវបាន​នគរបាល​ព្រហ្មទណ្ឌ​ក្រសួង​មហាផ្ទៃ​បញ្ជូនទៅ​សាលាដំបូង​រាជធានី-ភ្នំពេញ​កាលពី​ម្សិលមិញ បន្ទាប់ពី​ឃាត់ខ្លួន​ពាក់ព័ន្ធ​នឹង​ការ​លួច​រថយន្ត​ ១ ​គ្រឿង​ ដោយ​ប្រើល្បិច​ផ្តាច់​ប្រព័ន្ធ​ GPS ​កាលពី​ថ្ងៃទី​ ១១ ​វិច្ឆិកា​ នៅ​សង្កាត់​ច្រាំងចំរេះ​ ១ ខណ្ឌ​ឫស្សីកែវ រាជធានី​ភ្នំពេញ​។

  • អង្គការ TCO ជួយ​ជំរុញ​​ជីវភាព​ពលរដ្ឋ​រស់នៅ​ជនបទ ​តាមរយៈ​វិស័យ​កសិកម្ម​លក្ខណៈ​គ្រួសារ​

    សៀមរាប៖ អង្គការ​អ្នក​ត្រួសត្រាយ​កម្ពុជា (TCO) ​កំពុង​អនុវត្ត​គម្រោង​សំខាន់​ចំនួន ​៤ ដោយ​ផ្អែក​លើ​យុទ្ធសាស្រ្ត​ស្នូល​ចំនួន ​៥ ​​ដើម្បី​កែ​លម្អ​ជីវិត​​ពលរដ្ឋ​កម្ពុជា​នៅ​តាម​ជនបទ​។