The Phnom Penh Post Search

Search form




Logo of Phnom Penh Post newspaper Phnom Penh Post - UNESCO​ បើក​ការ​ប្រកួត​ពាន​រង្វាន់​អក្ខរកម្ម​អន្ដរជាតិ ​រង្វាន់​ពីរ​ម៉ឺន​ដុល្លារ

UNESCO​ បើក​ការ​ប្រកួត​ពាន​រង្វាន់​អក្ខរកម្ម​អន្ដរជាតិ ​រង្វាន់​ពីរ​ម៉ឺន​ដុល្លារ

Content image - Phnom Penh Post

UNESCO​ បើក​ការ​ប្រកួត​ពាន​រង្វាន់​អក្ខរកម្ម​អន្ដរជាតិ ​រង្វាន់​ពីរ​ម៉ឺន​ដុល្លារ

ភ្នំពេញៈ អង្គការ​សហប្រជាជាតិ​អប់រំ​ វិទ្យាសាស្រ្ដ ​និង​វប្បធម៌ ​(UNESCO) ​បាន​បើក​ការ​ប្រកួត​ពាន់រង្វាន់​អក្ខរកម្ម​អន្ដរជាតិ សម្រាប់​ឆ្នាំ​ ២០១៧ ​ក្រោម​ប្រធាន​បទ ​«អក្ខរកម្ម​ក្នុង​ពិភព​ឌីជីថល»​ (literacy in a digital world) ដើម្បី​ស្វែង​រក​ជយលាភី​ ០៥រូប ​ខណៈ​ជយលាភី​ម្នាក់ៗ​នឹង​ទទួល​បាន​មេដាយ​ សញ្ញាបត្រ និង​ប្រាក់​រង្វាន់​ចំនួន​ ២ ម៉ឺន​ដុល្លារ​។

ការ​ប្រកួត​នេះ​បាន​ចែក​ចេញ​ជា​ពីរ​ផ្នែក​គឺ The UNESCO King Sejong Literacy Prize (2 awards) និង The UNESCO Confucius Prize for Literacy (3 awards) ។

ពានរង្វាន់​ អក្ខរកម្ម​អន្ដរជាតិ​នេះ ​អង្គការ ​UNESCO ​បាន​ផ្ដើម​ឡើង​តំាង​ពី​ឆ្នាំ​១៩៦៧ ​ដើម្បី​ស្វែង​រក​យុវជន​ឆ្នើម​ជុំវិញ​ពិភព​លោក​ដែល​មាន​គំនិត​ឆ្នៃ​ប្រឌិត ​និង​ឧត្ដម​ភាព​ចំពោះ​វិស័យ​អក្ខរកម្ម​។

តាម​រយៈ​គម្រោង​ និង​កម្ម​វិធី​ជាង ​៤៧៥ ​ដែល​បាន​បង្កើត​ឡើងយ​ដោយ​រដ្ឋាភិបាល ​និង​អង្គការ​ក្រៅ​រដ្ឋា​ភិបាល​ សហការ​ជាមួយ​វិស័យ​ឯកជន​មួយ​ចំនួន​ទៀត ​នៅ​ជុំវិញ​ពិភព​លោក​ ដើម្បី​បង្កើត​ពានរង្វាន់​នេះ ​ក្នុង​ការ​ស្វែង​រក​ការគាំទ្រ​ដល់​ការ​អនុវត្ដ​អក្ខរកម្ម​ឲ្យ​មាន​ប្រសិទ្ធិ​ភាព​ និង​លើក​ទឹកចិត្ដ​ជួយ​ផ្សព្វផ្សាយ​ដល់​ង្គម​លុប​បំបាត់​អក្ខរកម្ម​ ឲ្យ​មនុស្ស​ទាំង​អស់​ចេះ​អាន​ និង​សរសេរ​។

ចាប់​ទទួល​ពាក្យ​ពីថ្ងៃ​នេះ​ ដល់​ថ្ងៃ​ទី៣១ ខែឧសភា ឆ្នាំ២០១៧​។ ​ព័ត៌មាន​បន្ថែម​៖​http://en.unesco.org/themes/literacy/prizes អ៊ីម៉ែល៖ literacyprizes@unesco.org

អត្ថបទគួរចាប់អារម្មណ៍