The Phnom Penh Post Search

Search form




Logo of Phnom Penh Post newspaper Phnom Penh Post - UNESCO បើក​ការ​ប្រកួត​វីឌីអូ ស្ដីពី​ «សាលា​រៀន​រីករាយ​» សម្រាប់​យុវជន​អាស៊ី

UNESCO បើក​ការ​ប្រកួត​វីឌីអូ ស្ដីពី​ «សាលា​រៀន​រីករាយ​» សម្រាប់​យុវជន​អាស៊ី

Content image - Phnom Penh Post
UNESCO បើក​ការ​ប្រកួត​វីឌីអូ ស្ដីពី​ «សាលា​រៀន​រីករាយ​» សម្រាប់​យុវជន​អាស៊ី។

UNESCO បើក​ការ​ប្រកួត​វីឌីអូ ស្ដីពី​ «សាលា​រៀន​រីករាយ​» សម្រាប់​យុវជន​អាស៊ី

ភ្នំពេញៈ អង្គការ​សហប្រជាជាតិ អប់រំ វិទ្យា​សាស្ដ្រ និង វប្បធម៌ (UNESCO) បាន​ប្រកាស​បើក​ការ​ប្រកួត​វីឌីអូ សម្រាប់​អាណា​ព្យាបាល សិស្ស គ្រូ​បង្រៀន​ និង​គណៈ​គ្រប់គ្រង​សាលា​នៅ​តំបន់​អាស៊ី​ប៉ាស៊ី ចំពោះ​ការ​ផលិត​វីឌីអូ ក្រោម​ប្រធាន​បទ ​ «សាលា​រៀន​រីករាយ​» ដើម្បី​លើក​ទឹកចិត្ដ​មនុស្ស​ឲ្យ​យក​ចិត្ដ​ទុក​ដាក់​កាន់​តែ​ខ្លាំង​ចំពោះ​វិស័យ​អប់រំ និង​ជំរុញ​សកម្មភាព​អប់រំ ។

បេក្ខជន ដែល​ជាប់​ជយលាភី ចំពោះ​ការ​ប្រកួត​នេះ​នឹង​ទទួល​បាន​ការ​ធ្វើ​ដំណើរ​ទស្សនៈ​កិច្ច​ទៅ​ទីក្រុង​បាងកក រួម​ជាមួយ​រង្វាន់​ជាច្រើន​ទៀត។ ចំណែក​វីឌីអូ​ជយលាភី​ នឹង​ត្រូវ​យក​ទៅ​ធ្វើ​បទ​បង្ហាញ​នៅ​ទីក្រុង​បាង​កក​។

តាម​ការ​ឲ្យ​ដឹង​ពី​ UNESCO ការ​ប្រកួត​វីឌីអូ​នេះ​ គឺដើម្បី​លើក​ទឹក​ចិត្ត​ ឲ្យ​មនុស្ស​​មាន​ការយក​ចិត្ត​ទុក​ដាក់ ចំពោះ​វិស័យ​​អប់រំ និង​បំផុស​ឲ្យ​មាន​សកម្ម​ភាព​ផ្សេង​អំពី​វិស័យ​នេះ ​ ដើម្បី​ជំរុញ​សាលា​រៀន​ឲ្យ​កាន់​តែ​មាន​ភាព​ច្នៃ​ប្រឌិត​ ប្រកប​ដោយ​ភាព​រីក​រាយ​ដល់​សិស្សា​នុសិស្ស​។

សុភមង្គល​ក្នុង​ការ​សិក្សា​ ក៏ជា​ប្រធាន​បទ​មួយ​ដែល​កម្មវិធី​ប្រកួត​នេះ​ ចង់​ទទួល​បាន​ពីអ្នក​ផលិត​វីឌីអូ​នៃ​ការ​ប្រកួត​នេះ​ដែរ ព្រោះ​ជាធាតុ​សំខាន់​មួយ​ក្នុង​ការ​លើក​តម្កើង​ផ្នែក​អប់រំ នៅ​ក្នុង​ប្រទេស​នីមួយៗ ។

ការ​បង្កើត​ភាព​សប្បាយ​រីករាយ​ក្នុង​ការ​សិក្សា អាច​ធ្វើ​ឲ្យ​ក្មេង​កាន់​តែ​ច្រើន​ឡើង​ចង់​ទទួល​យក​ការ​រៀន​សូត្រ​ មិន​បោះបង់​ការ​សិក្សា​ ដោយ​គិត​ថា ការ​សិក្សា គឺ​អាច​ធ្វើឱ្យ​ពួក​គេ​សប្បាយ​ចិត្ត និង​មាន​ភាព​កក់​ក្តៅ​។

បេក្ខជន ត្រូវ​ដាក់​វីឌីអូ​ប្រកួត​ឲ្យបាន​ត្រឹម​ថ្ងៃ​ទី ៣០ ខែ មិថុនា ឆ្នាំ​ ២០១៧​នេះ ​ព័ត៌​មាន​លម្អិត​ចំពោះ​ការ​ប្រកួត​នេះ​ bangkok.unesco.org/content/happy-schools-video-contest ៕

អត្ថបទគួរចាប់អារម្មណ៍