ភ្នំពេញៈ បច្ចេកវិទ្យាកាន់តែរីកចម្រើន ការសិក្សារបស់សិស្ស នៅទូទាំងពិភពលោក ក៏មានការវិវត្ដន៍ពីមួយថ្ងៃទៅមួយថ្ងៃ រាប់ចាប់តាំងពីការសិក្សា នៅក្នុងថ្នាក់ដោយផ្ទាល់ជាមួយគ្រូ បែរមក ស្វ័យសិក្សាតាមរយៈ កម្មវិធីសិក្សា e-learning ឬ កម្មវិធីសិក្សាពីចម្ងាយ ដែលអ្វីទាំងនេះ រឹតតែទំនើប និងផ្ដល់ភាពងាយស្រួលចំពោះការសិក្សារបស់សិស្ស។
ថ្ងៃនេះ គេហទំព័រ យុវវ័យ LIFT សូមណែនាំ Channels សិក្សាល្អមួយចំនួន ដែលសិស្សវិទ្យាល័យនៅទូទាំងសកលលោក តែងតែទាយយកមកជំនួយដល់ការសិក្សារបស់ពួកគេ។
១. Crash Course Channel
គឺជា Channel មួយដែលមានភាពទាក់ទាញដោយរចនាឡើងជាមួយនឹងរូបភាពប្លុក សមស្របតាមចិត្ដយុវវ័យ នឹងបានផ្ទុកមេរៀនសំខាន់ៗមួយចំនួនដូចជា អក្សរសិល្ប៍ រូបវិទ្យា ជីវវិទ្យា ប្រវត្ដិវិទ្យា សង្គមវិទ្យា និងមេរៀនមួយចំនួនទៀតដែលទាក់ទងចំពោះកម្មវិធីសិក្សាកម្រិតវិទ្យាល័យរបស់សិស្សទូទាំងពិភពលោក ។
២. Big Think Channel
ជា Channel មួយដែលបានផ្ទុកមេរៀនសិក្សាដោយគ្រូជំនាញ អំពីផ្នត់គំនិតថ្មីៗ ចំពោះការសិក្សា និងការអប់រំផ្លូវចិត្ដចំពោះការសិក្សារបស់សិស្សនៅកម្រិតវិទ្យាល័យ ។
ក្នុងឆានែលនេះ បានលើកឡើងពីមេរៀនសិក្សាល្អៗមួយចំនួនដូចជា វិទ្យាសាស្រ្តនយោបាយ ចិត្តវិទ្យា និងសង្គមវិទ្យាជាដើម។
៣.TED-Ed Channel
ជា Channel ដែលបានប្រមូលផ្ដុំដោយ គំនិតទូលំទូលាយ និង បទបង្ហាញពី ចំណេះដឹងថ្មីៗដែលយើងនឹកស្មានមិនដល់ ។
នៅលើ Channel នេះ បានផលិត វីដេអូជាគំនូរជីវចលបែបអប់រំ ប្រហែល ៥០០រឿង ដែលបានចែកចេញជាពីកម្រិតគឺ សម្រាប់កម្រិតអបរំយុវវ័យ (TEDYouth Talks) និង អ្នកដែលមានវិជ្ជាជីវៈ (TED-Ed Professional ) ។
៤.Bright Storm Channel
Bright Storm គឺជាឆានែលមួយ ដែលបានប្រមូលផ្ដុំនូវបទបង្ហាញល្អៗអំពីការបង្រៀនមេរៀន របស់គ្រូនៅក្នុងថ្នាក់ ដោយបានលើកយកនៅអំណះអំណាងច្បាស់លាស់ ដើម្បីពន្យល់ដល់សិស្ស។
ក្រៅពីនេះ នៅលើ Channel នេះ ក៏បានរៀបចំឡើងនៅមេរៀនកម្រិតវិទ្យាល័យ ដែលពាក់ព័ន្ធ ជាមួយការសិក្សាមុខវិជ្ជា គណិតវិទ្យា និង គំរូអំពី មេរៀនACT/SAT ផងដែរ ។
៥.The School of Life
គឺជា Channel មួយដែលបានប្រមូលផ្ដុំមេរៀនអំពី អក្សរសិល្ប៍ ទស្សនៈវិជ្ជា សិល្បៈ ប្រវត្ដិសាស្រ្ដ ទ្រឹស្ដីនយោបាយ រួមទាំងមេរៀនអំពីគំនិតក្នុងការដឹកនាំជីវិតមួយចំនួនទៀត៕
