The Phnom Penh Post Search

Search form




Logo of Phnom Penh Post newspaper Phnom Penh Post - ការ​សិក្សា​៖ អាហារ​មាន​ខ្លាញ់​ទាប​​មិន​ជួយ​សម្រក​ទម្ងន់​ឡើយ

ការ​សិក្សា​៖ អាហារ​មាន​ខ្លាញ់​ទាប​​មិន​ជួយ​សម្រក​ទម្ងន់​ឡើយ

Content image - Phnom Penh Post
នារី​ពីរ​នាក់​អង្គុយ​នៅ​មុខ​ផ្ទាំង​ចម្លាក់​មួយ​នៅ​ទីក្រុង​មុយនិច។ bloomberg

ការ​សិក្សា​៖ អាហារ​មាន​ខ្លាញ់​ទាប​​មិន​ជួយ​សម្រក​ទម្ងន់​ឡើយ

ម៉ៃអាមី៖ ការ​ស្រាវជ្រាវ​មួយ​បាន​បង្ហាញ​ថា របប​អាហារ​ដែល​មានសារ​ធាតុ​ខ្លាញ់​ទាប​​ មិន​ធ្វើ​ឲ្យ​យើង​ស្រក់​ទម្ងន់​ច្រើន​ជាង​របប​អាហារ​ផ្សេង​ទៀត​ឡើយ។​ នេះ​គឺ​ជា​ការ​រក​ឃើញ​បន្ថែម​ថ្មី​មួយ​ទៀត​ទៅ​លើ​ការ​ជជែក​វែក​ញ៉ែកក្នុង​ចំណោម​អ្នក​វិទ្យាសាស្រ្ត​​អំពីរបៀប​ដែល​ជួយ​ឲ្យ​មនុស្ស​យើង​ស្រក់​ទម្ងន់។

លោក​ Deirdre Tobias ជា​ប្រធាន​ក្រុម​ស្រាវ​ជ្រាវ​នៃមន្ទី​ពេទ្យ Brigham នៅ​រដ្ឋ​ម៉ាសាឈូសេត បាន​ឲ្យ​ដឹង​ថា​ការ​សិក្សា​ឡើង​វិញ​ទៅ​​របាយការណ៍​ស្រាវ​ជ្រាវ​វិទ្យាសាស្រ្ត​ចំនួន ៥៣ ដែល​ត្រូវ​បាន​ធ្វើ​ឡើង​ទៅ​លើ​មនុស្ស​ចំនួន​ជិត​ ៧​ម៉ឺន​នាក់​ក្នុង​ប្រទេស​ជាច្រើន ​មិន​បាន​រក​ឃើញ​នូវ​លទ្ធផល​ល្អ​សម្រាប់​ណែនាំ​​ឲ្យ​ទទួល​ទាន​អាហារ​ដែល​មាន​ជាតិ​ខ្លាញ់​ទាប​ដើម្បី​សម្រក​ទម្ងន់​ឡើយ។

លោក​និយាយ​ថា​៖ «វិទ្យាសាស្រ្ត​មិន​បាន​គាំទ្រ​ការ​ទទួល​ទាន​របប​អាហារ​​មាន​ជាតិ​ខ្លាច់​តិច​ធ្វើ​ជា​វិធី​សម្រក​ទម្ងន់​រយៈ​ពេល​វែង​នោះ​ឡើយ»។

តាម​ការ​ពិត​ទៅ ​របប​អាហារ​ដែល​មាន​សារធាតិ​កាបូអ៊ីដ្រាដ​ទាប ​អាច​ជួយ​ឲ្យ​យើង​ស្រក​ទម្ងន់​បាន​ច្រើន​ជាង​អាហារ​ដែល​មាន​ជាតិ​ខ្លាញ់​ទាប។ នេះ​បើ​ផ្អែក​តាម​លទ្ធផល​នៃការ​សិក្សា​ស្រាវជ្រាវមួយ​​ដែល​បាន​ចុះ​ផ្សាយ​ក្នុង​ព្រឹត្តបត្រ​សុខភាព The Lancet Diabetes & Endocrinology។

​ការ​បរិភោគ​អាហារ​មាន​ជាតិ​ខ្លាច​ទាប អាច​សម្រក​ទម្ងន់​បាន​ត្រឹម ៣៦០​ក្រាម​ប៉ុណ្ណោះ ខណៈ​ការ​បរិភោគ​អាហារ​មាន​​សារធាតុ​កាបូអ៊ីដ្រាដ​ទាប ជួយ​សម្រក​ទម្ងន់​បាន​ដល់​ទៅ ១.១៥​គីឡូ​ក្រាម។

Content image - Phnom Penh Post
បុរស​ធាត់​ម្នាក់​ផឹក​ស្រាបៀរ​នៅ​អាល្លឺម៉ង់។ bloomberg

ខណៈ​ចំនួន​មនុស្ស​ធាត់​នៅ​លើ​ពិភព​លោក​មាន​កំណើន​ជា​និច្ច ការ​ស្វែង​រក​វិធី​សម្រក​ទម្ងន់​បាន​ក្លាយ​ទៅ​ជា​​ជម្រើស​អាទិភាព​សម្រាប់​ក្រុម​មនុស្ស​ទាំង​នេះ។

របាយការណ៍​ស្រាវ​ជ្រាវ​នេះ ​បាន​លើក​ឡើង​ថា សារធាតុ​ខ្លាញ់​នៅ​ក្នុង​របប​អាហារ​ ត្រូវ​បាន​គេ​ផ្តោត​សំខាន់​ខ្ពស់​ជា​យូរ​​មក​ហើយ ដោយសារ​របប​អាហារ​​នេះ ១​ក្រាម ផ្ទុក​កាឡូរី​ទ្វេ​ដង​បើ​ធៀប​នឹង​អាហារ​មាន​សារធាតុ​កាបូអ៊ីដ្រាដ ឬ​ប្រូតេអ៊ីន។ ​ប៉ុន្តែ ការ​ស្រាវ​ជ្រាវ​អស់​រយៈ​ពេល​ជា​ច្រើន​ឆ្នាំ​កន្លងមក ​បាន​បង្ហាញ​លទ្ធផល​ដែល​ផ្ទុយ​ពី​នេះ។

កាល​ពី​ខែ​មុន​នេះ អត្ថបទស្រាវជ្រាវ​ទំហំ​តូច​មួយ​ដែល​បាន​ចុះ​ផ្សាយ​ក្នុង​ព្រឹត្តិបត្រ​ Cell Metabolism បាន​អះអាង​ថា​ កា​រកាត់​បន្ថយ​សារធាតុ​ខ្លាញ់​នៅ​ក្នុង​អាហារ​ អាច​ជួយ​ឲ្យ​មនុស្ស​​ធាត់​សម្រក​ជាតិ​ខ្លាញ់​បាន​ច្រើន​ជាង​ការ​កម្រិត​លើ​ការ​ទទួល​ទាន​អាហារ​មាន​សារធាតុ​កាបូអ៊ីដ្រាដ។

ប៉ុន្តែ​ ការ​សិក្សា​ចុង​ក្រោយ​នេះ ដែល​វិភាគ​ទៅ​លើ​ការ​របាយការណ៍​ស្រាវជ្រាវ​ជា​ច្រើន​ដទៃ​ទៀត មិន​បាន​បង្ហាញ​ឲ្យ​ឃើញ​យ៉ាង​ដូច្នេះ​ឡើយ​។

លោក Tobias បាន​និយាយ​ថា​៖ «មនុស្ស​យើង​តែង​តែ​គិត​យ៉ាង​សាមញ្ញ​ថា​ ការ​កាត់​បន្ថយ​ការ​ទទួល​ទាន​សារធាតុ​ខ្លាញ់​ អាច​ជួយ​ឲ្យ​យើង​សម្រក​ទម្ងន់​បាន​តាម​លក្ខណៈ​ធម្មជាតិ។ ប៉ុន្តែ​ អំណះ​អំណាង​​ដែល​ចេញ​ពី​ការ​ស្រាវ​ជ្រាវ​របស់​យើង ​បាន​បង្ហាញ​ផ្ទុយ​ពី​នេះ»។

លោក Tobias និយាយ​ថា គេ​ត្រូវ​សិក្សា​បន្ថែម​ទៀត ដើម្បី​កំណត់​វិធី​សាស្ត្រ​ល្អ​សម្រាប់​សម្រក​ និង​រក្សា​ទម្ងន់៕ AFP/ប្រែ​សម្រួល​ដោយ តាំង រីនិត្យ

អត្ថបទគួរចាប់អារម្មណ៍