The Phnom Penh Post Search

Search form

Logo of Phnom Penh Post newspaper Phnom Penh Post - ជា វិបុល និស្សិត​ខ្មែរ​ម្នាក់​គត់​ជាប់​អាហារូបករណ៍​ថ្នាក់​អនុ​បណ្ឌិត​ទៅ​សិក្សា​នៅ​សាកល​វិទ្យាល័យ យេល តាម​រយៈ​កម្មវិធី South East Asian Leadership Network ២០១៤




ជា វិបុល និស្សិត​ខ្មែរ​ម្នាក់​គត់​ជាប់​អាហារូបករណ៍​ថ្នាក់​អនុ​បណ្ឌិត​ទៅ​សិក្សា​នៅ​សាកល​វិទ្យាល័យ យេល តាម​រយៈ​កម្មវិធី South East Asian Leadership Network ២០១៤

ជា វិបុល និស្សិត​ខ្មែរ​ម្នាក់​គត់​ជាប់​អាហារូបករណ៍​ថ្នាក់​អនុ​បណ្ឌិត​ទៅ​សិក្សា​នៅ​សាកល​វិទ្យាល័យ យេល តាម​រយៈ​កម្មវិធី South East Asian Leadership Network ២០១៤។
ជា វិបុល និស្សិត​ខ្មែរ​ម្នាក់​គត់​ជាប់​អាហារូបករណ៍​ថ្នាក់​អនុ​បណ្ឌិត​ទៅ​សិក្សា​នៅ​សាកល​វិទ្យាល័យ យេល តាម​រយៈ​កម្មវិធី South East Asian Leadership Network ២០១៤។

ជា វិបុល និស្សិត​ខ្មែរ​ម្នាក់​គត់​ជាប់​អាហារូបករណ៍​ថ្នាក់​អនុ​បណ្ឌិត​ទៅ​សិក្សា​នៅ​សាកល​វិទ្យាល័យ យេល តាម​រយៈ​កម្មវិធី South East Asian Leadership Network ២០១៤

យុវជន ជា វិបុល គឺជា​និស្សិត​ខ្មែរ​តែ​ម្នាក់​គត់ ក្នុង​ចំណោម​និស្សិត​ចំនួន ២០ នាក់ មក​ពី ២០ ប្រទេស​ផ្សេង​ទៀត ដែល​ទទួល​បាន​អាហា​រូបករណ៍​ទៅ​សិក្សា​ថ្នាក់​អនុបណ្ឌិត​ជំនាញ​គ្រប់​គ្រង និង​អភិវឌ្ឍ​គោល​នយោបាយ​សាធារណៈ (Public Policy Development and Management) នៅ​សាកល​វិទ្យាល័យ​យេល (Yale University) សហរដ្ឋ​អាមេរិក តាម​រយៈ​កម្មវិធី​មួយ​របស់​អង្គការ​នៅ​សហរដ្ឋ​អាមេរិក​ឈ្មោះ​ថា South East Asian Leadership Network ក្នុង ឆ្នាំ​២០១៤។

លោក វិបុល នឹង​ចាក​ចេញ​ទៅ​សិក្សា​នៅ​សាកល​វិទ្យាល័យ​ដ៏​ល្បី​របស់​សហរដ្ឋ​អាមេរិក​មួយ​នេះ​ក្នុង ខែ​មេសា ឆ្នាំ​២០១៥ ខាង​មុខ​នេះ។

លោក ជា វិបុល គឺជា​អតីត​និស្សិត​បញ្ចប់​ការ​សិក្សា​ថ្នាក់​បរិញ្ញាបត្រ​ពី​សាកល​វិទ្យាល័យ​ភូមិន្ទ​នីតិសាស្ត្រ និង​វិទ្យាសាស្ត្រ​សេដ្ឋកិច្ច​ផ្នែក​សេដ្ឋកិច្ច​អភិវឌ្ឍន៍ និង​ថា្នក់​អនុបណ្ឌិត​នៅ​សាកល​វិទ្យាល័យ​ភូមិន្ទ​ភ្នំពេញ ផ្នែក​ស្រាវជ្រាវ​អភិវឌ្ឍន៍។

ស្ថិត​ក្នុង​វ័យ ២៧​ឆ្នាំ យុវជន ជា វិបុល បាន​ឆ្លង​កាត់​បទ​ពិសោធ​ក្នុង​ការ​សិក្សា និង​ធ្វើ​ការ​នៅ​តាម​ស្ថាប័ន​រដ្ឋ អង្គការ​ក្រៅ​រដ្ឋាភិបាល​ជាច្រើន​មុន​នឹង​មាន​ឱកាស​ទទួល​បាន​អាហា​រូបករណ៍​មួយ​នេះ។ ក្នុង​នោះ​លោក​បាន​ឆ្លង​កាត់ និង​កំពុង​បម្រើ​ការងារ​ជាមួយ​នឹង​អង្គការ​ក្រៅ​រាជ​រដ្ឋាភិបាល​តាម​រយៈ​ការងារ​ស្ម័គ្រ​ចិត្ត និង​បុគ្គលិក​ពេញ​សិទិ្ធ​ជាច្រើន​ដូចជា KYSD, PEPY Ride International, UNDP និង​អង្គការ CHC ជាដើម។

យ៉ាង​ណា​មិញ ចាប់​តាំង​ពី ឆ្នាំ​២០១២ រហូត​ដល់​បច្ចុប្បន្ន លោក​បាន និង​កំពុង​បម្រើ​ការងារ​នៅ​ក្នុង​អធិការដ្ឋាន​ទទួល​ពាក្យ​បណ្តឹង និង​អង្កេត​ស្រាវជ្រាវ​កិច្ចការ​នយោបាយ​រដ្ឋបាល​នៃ​អគ្គា​ធិការដ្ឋាន​កិច្ចការ​នយោបាយ​រដ្ឋបាល និង​នគរបាល​នៃ​ក្រសួង​មហាផ្ទៃ។

Content image - Phnom Penh Post

បើ​តាម​ការ​ឲ្យ​ដឹង​ពី​លោក វិបុល កម្មវិធី​អាហា​រូបករណ៍​នេះ ត្រូវ​បាន​ផ្តល់​ឲ្យ​និស្សិត​មក​ពី ២០ ប្រទេស​ដែល​រួម​មាន​ដូចជា​ចិន ឥណ្ឌា ជប៉ុន កូរ៉េ​ខាង​ត្បូង ឥណ្ឌូនេស៊ី អូស្ត្រាលី ថៃ ម៉ាឡេស៊ី ហ្វីលីពីន ហុងកុង សិង្ហបុរី វៀតណាម បង់​ក្លា​ដែស នូវែល​សេឡង់ ស្រីលង្កា មីយ៉ាន់ម៉ា កូរ៉េ​ខាង​ជើង កម្ពុជា ប្រុយ​ណេ និង​ឡាវ។

បេក្ខជន​ទាំង ២០ រូប​ត្រូវ​បាន​ជ្រើស​រើស​ឲ្យ​ទៅ​សិក្សា​រយៈ​ពេល​ពីរ​ឆ្នាំ​នៅ​សាកល​វិទ្យាល័យ​មួយ​ក្នុង​ចំណោម​សាកល​វិទ្យាល័យ​ទាំង​បី​របស់​សហរដ្ឋ​អាមេរិក (Harward, Yale, Columbia ) លើ​ផ្នែក​គ្រប់​គ្រង​គោល​នយោបាយ​សាធារណៈ។

មាន​តែ​បេក្ខជន​តែ​ម្នាក់​គត់​ពី​ប្រទេស​នីមួយៗ​ត្រូវ​បាន​ជ្រើសរើស ហើយ​ការ​ជ្រើស​រើស​នេះ គឺ​សម្រាប់​តែ​បេក្ខជន​ណា​ដែល​មាន​បទ​ពិសោធ​ច្រើន​ឆ្នាំ​ទាក់​ទង​នឹង​ការងារ​ខាង​ផ្នែក​ស្រាវជ្រាវ និង​អភិវឌ្ឍន៍ ដោយ​ផ្តោត​សំខាន់​លើ​ការងារ​ខាង​ផ្នែក​គ្រប់​គ្រង និង​ភាព​ជា​អ្នក​ដឹក​នាំ។

ពាក់​ព័ន្ធ​នឹង​ការ​ដាក់​ពាក្យ​អាហា​រូបករណ៍​ទៅ​សិក្សា​នៅ​សាកល​វិទ្យាល័យ​យេល នេះ​ដែរ លោក វិបុល បាន​រៀបរាប់​ឲ្យ​ដឹង​ថា លោក​ត្រូវ​ឆ្លង​កាត់​ដំណាក់​កាល​សំខាន់ៗ​ដូច​ជា ការ​បំពេញ​ឯកសារ​របស់​សាកល​វិទ្យាល័យ​យេល ទម្រង់​បែបបទ​សម្រាប់ USAID គម្រោង​នៃ​ការ​សិក្សា លិខិត​ឧទ្ទេស​នាម​ពី​សាស្ត្រាចារ្យ និង​ថ្នាក់​លើ តេស្ត​ភាសា​អង់គ្លេស​ដែល​តម្រូវ​ឲ្យ​មាន​ពិន្ទុ IELTS 7.0 ការ​រៀបចំ​ជា​គម្រោង​ស្រាវជ្រាវ​មួយ​ទាក់ទង​នឹង​ជំនាញ​ដែល​ចង់​សិក្សា​ដោយ​បង្ហាញ​ពី​បញ្ហា​ប្រឈម​មុខ (Challenges) និង​កាលា​នុវត្តភាព (Opportunities) នា​ពេល​អនាគត ការ​សម្ភាស​តាម​អ៊ីនធឺណិត​ពីរ​ដំណាក់​កាល ការ​ត្រួត​ពិនិត្យ​ឯកសារ​ទាំង​អស់​ឡើង​វិញ ការ​ត្រួត​ពិនិត្យ​សុខភាព និង​ការ​សម្រេច​ចិត្ត​ចុង​ក្រោយ។

លោក ជា វិបុល (រូប​ទីមួយ​ជួរ​ក្រោយ ពី​ស្តាំ​ទៅ​ឆ្វេង) និស្សិត​អាហា​រូបករណ៍ នៅ​សាកល​វិទ្យាល័យ យេល សហរដ្ឋ​អាមេរិក។
លោក ជា វិបុល (រូប​ទីមួយ​ជួរ​ក្រោយ ពី​ស្តាំ​ទៅ​ឆ្វេង) និស្សិត​អាហា​រូបករណ៍ នៅ​សាកល​វិទ្យាល័យ យេល សហរដ្ឋ​អាមេរិក។ រូបថត សហការី

នៅ​ពេល​ដែល​សួរ​ពី​គម្រោង​បន្ទាប់​ពី​បញ្ចប់​ការ​សិក្សា​នៅ​សហរដ្ឋ​អាមេរិក​ក្នុង​រយៈ​ពេល ២ ឆ្នាំ​ខាង​មុខ​ទៀត​យុវជន​រូប​នេះ​បាន​ឆ្លើយ​ប្រកប​ដោយ​ភាព​ប្រាកដ​ប្រជា​ថា ខ្លួន​នឹង​ចូល​បម្រើ​ការងារ​នៅ​ក្រសួង​មហាផ្ទៃ​ដដែល ហើយ​យក​អ្វី​ដែល​ខ្លួន​បាន​រៀន​ពី​សហរដ្ឋ​អាមេរិក​ទាក់​ទង​នឹង​គោល​នយោបាយ​សាធារណៈ​មក​បម្រើ​ផល​ប្រយោជន៍​ឲ្យ​ប្រទេស​កម្ពុជា​វិញ។ លោក​បាន​អះអាង​ដូច្នេះ ​បើ​ទោះ​បី​ជា​លោក​មិន​មាន​ជាប់​កុងត្រា​អ្វី​នោះ​ឡើយ​ជាមួយ​នឹង​រដ្ឋាភិបាល។

លោក​បាន​និយាយ​ថា៖ «ខ្ញុំ​គិត​ថា ជំនាញ​ដែល​ខ្ញុំ​ត្រៀម​នឹង​ទៅ​រៀន​នេះ​ខាង​ផ្នែក​គោល​នយោបាយ​សាធារណៈ​នឹង​អាច​ចូល​រួម​ចំណែក​ជាមួយ​រដ្ឋាភិបាល​បាន​ច្រើន ហើយ​ខ្ញុំ​នឹង​រៀន​យក​បទ​ពិសោធ​ពី​ប្រទេស​គេ​មក​ធ្វើ​បច្ចុប្បន្នភាព​ខ្លួន​ឯង​រួច​អនុវត្ត​វា​ឲ្យ​ស្រប​នឹង​បរិបទ​ក្នុង​ប្រទេស​កម្ពុជា​នៅ​ពេល​ដែល​ត្រឡប់​មក​វិញ»។

យុវជន​ដែល​ឆ្លង​កាត់​ការ​ធ្លាក់​អាហារូបករណ៍​ចំនួន ១៩​ដង ហើយ​នៅ​តែ​រក្សា​គំនិត​សុទិដ្ឋិ​និយម​រូប​នេះ បាន​ចែក​រំលែក​ពី​គន្លឹះ​ផ្ទាល់​ខ្លួន​របស់​លោក​ចំនួន​បី​ដល់​យុវជន​ដទៃ​ទៀត​ដើម្បី​ទទួល​បាន​អាហា​រូបករណ៍​ទៅ​សិក្សា​នៅ​ក្រៅ​ប្រទេស​រួម​មាន ទីមួយ​រាល់​ឯកសារ​ទាំង​អស់​គប្បី​រក​អ្នក​ដែល​ធ្លាប់​មាន​បទ​ពិសោធ ឬ​ជំនាញ​ដើម្បី​ផ្តល់​ការ​ណែនាំ ហើយ​ត្រូវ​មាន​គំនិត​ច្នៃ​ប្រឌិត​មិន​ត្រូវ​ចម្លង​តាម​គេ​នោះ​ទេ។

ទី​ពីរ​ មិន​ថា អ្នក​ធ្លាប់​បរាជ័យ​ប៉ុន្មាន​ដង​នោះ​ទេ អ្នក​ត្រូវ​មាន​ការ​តស៊ូ កុំ​បោះបង់ ឬ​បាក់​ទឹក​ចិត្ត​ព្រោះ​មនុស្ស​ជោគជ័យ ជា​មនុស្ស​ដែល​មិន​បោះ​បង់។ ទី​បី​ត្រូវ​មាន​ការ​ត្រៀម​ខ្លួន​យ៉ាង​ច្បាស់​លាស់ មុន​នឹង​សម្រេច​ចិត្ត​ថា ចង់​ទៅ​រៀន​បន្ត​ដោយ​ចាប់​អនុវត្ត​តាំងពី​ការ​សន្សំ​បទ​ពិសោធ​ការងារ ប្រវត្តិ​នៃ​ការ​សិក្សា (Transcript) និង​ចំណេះ​ដឹង​ភាសា​អង់គ្លេស៕

អត្ថបទគួរចាប់អារម្មណ៍