ទីក្រុង​ភ្នំពេញ​ដែល​មាន​ការ​វិវឌ្ឍ​ខ្លាំង​ខាង​ផ្នែក​ហេដ្ឋារចនាសម្ព័ន្ធ​រូបវ័ន្ត​ក្នុង​រយៈកាល​ជាង​១​ទសវត្សរ៍​ចុងក្រោយ​នេះ។ កម្រិត ជីវភាព និង​ភាព​ស៊ីវិល័យ​របស់​ប្រជាជន​បាន​កើនឡើង​គួរ​ឱ្យ​កត់សម្គាល់ ប៉ុន្តែ​បញ្ហា​អសន្តិសុខ ប្លន់ ចាប់រំលោភ ឆក់កាបូប​ជាដើម​នៅ​តែ​បន្ត​កើត​មាន​ឡើង​មិន​ដាច់។ ដោយសារ​តែ​បញ្ហា​សុវត្ថិភាព ស្ត្រី​មួយ​ចំនួន​ធំ ខ្លាចរអា​ក្នុង​ការ​ធ្វើដំណើរ​នា​ពេល​យប់ព្រលប់​។