ជា​អតីត​សិស្ស​វិទ្យាល័យ​ស៊ីសុវត្ថិ លោក នាង កាវិច បាន​បញ្ចប់​ការសិក្សា​ថ្នាក់​បិរញ្ញាបត្រ​ពី​សាកលវិទ្យាល័យ​លីមកុកវីង ផ្នែក​ឌីហ្សាញ​ប្រកប​ដោយ​វិជ្ជាជីវៈ (Professional Design) នៅ​ឆ្នាំ​២០១៣។ លោក​គឺជា​សិស្ស​ខ្មែរ​ដំបូង​គេ​ដែល​បាន​សិក្សា​ជំនាញ​ថត​ភាពយន្ត​ខ្នាត​ខ្លី​នៅ Asian Film Academy ដែល​ជា​កម្មវិធី​របស់​មហោស្រព​ភាពយន្ត​អន្តរជាតិ​ទីក្រុង​ប៊ូសាន​ប្រទេស​កូរ៉េ​ខាង​ត្បូង។ មិន​តែ​ប៉ុណ្ណោះ យុវជន​រូប​នេះ​ក៏​បាន​ក្លាយ​ជា​អ្នក​ដឹកនាំ​រឿង​កម្ពុជា​ទី​មួយ​ដែល​ចូលរួម​កម្មវិធី Southeast Asian Film Lab របស់​មហោស្រព​ភាពយន្ត​អន្តរជាតិ​សិង្ហបុរី ដែល​នឹង​ប្រព្រឹត្ត​ទៅក្នុង​ខែ​ធ្នូ ឆ្នាំ​២០១៤​ខាង​មុខ​នេះ​។