ស្ថិត​ក្នុង​វ័យ​៣០​ឆ្នាំ លោក នួន រតន៍ គឺជា​បុគ្គលិក​ក្នុង​មន្ទីរពេទ្យ​ឯកជន​មួយ និង​បាន​អភិវឌ្ឍ​ខ្លួន​ឲ្យ​ទៅ​ជា​អ្នក​ថតរូប​អាជីព​ម្នាក់​នៅ​ខេត្ត​សៀមរាប​ផង​ដែរ។ ថ្វីបើ​លោក​មិន​បាន​រៀន​វិជ្ជា​ថតរូប​ពី​សាលា​ល្បីៗ​យ៉ាង​ណា​ក្តី រតន៍​ដែល​មាន​ទេពកោសល្យ​លើ​ជំនាញ​នេះ​ផង​នោះ បាន​ឆ្លៀត​ពេល​ទំនេរ​ពី​ការងារ ខិតខំ​ប្រឹងប្រែង​ស្វ័យសិក្សា ស្រាវជ្រាវ សួរនាំ​ពី​អ្នកជំនាញៗ​ជាច្រើន រហូត​បាន​ចេះ​ស្ទាត់​លើ​មុខ​ជំនាញ​ដែល​ខ្លួន​ស្រឡាញ់​មួយ​នេះ។