«តាំងពី​ចេះ​លេង​ហ្វេសប៊ុក​ហ្នឹង​មក គេ​ស្គាល់​មិត្តភក្តិ​ច្រើន ហើយ​ការ​និយាយ​ស្តី គឺ​ខុសប្លែក​គ្នា​តែ​ម្តង។ កាលពី​មុន​គេ​និយាយ​ស្តីចេញ​មក​ល្អៗ ពីរោះ​ស្តាប់ តែ​ឥឡូវ​ពាក្យ​គេ​និយាយ​គ្នា​ថ្មីៗ​ទាំងអស់ ខ្ញុំ​មិន​សូវ​យល់​សោះ»។ ​នេះ​ជា​ការ​ព្រួយបារម្ភ​របស់ អ្នកស្រី​ចាន់ ឌីណា បុគ្គលិក​អង្គការ​មួយ​នៅ​រាជធានី​ភ្នំពេញ ពាក់ព័ន្ធ​នឹង​កូនស្រី​វ័យ​ជំទង់​អាយុ​ ១៤ ​ឆ្នាំ របស់​ខ្លួន​ដែល​ចូលចិត្ត​ប្រើប្រាស់​បណ្តាញ​សង្គម​ហ្វេសប៊ុក​ជា​រៀងរាល់​ថ្ងៃ។