បញ្ចប់​ការ​សិក្សា​ជំនាញ​ព័ត៌មាន​វិទ្យា​ (IT) តែ​មួយ​មុខ មិន​ឆ្លុះ​បញ្ចាំង​ពី​ភាព​ជោគ​ជ័យ​របស់​និស្សិត​ជំនាញ​បច្ចេកវិទ្យា​ព័ត៌មាន​វិទ្យា​នោះ​ឡើយ។ នៅ​ឯ​កម្មវិធី​បារខែម (barcamp) ក្រោម​ប្រធាន​បទ «ត្រៀម​ខ្លួន​សម្រាប់​សមាហរណកម្ម​អាស៊ាន» ដែល​រៀប​ចំ​ឡើង​នៅ​វិទ្យាស្ថាន​បច្ចេកវិទ្យា​កម្ពុជា​កាល​ពីចុង​សប្ដាហ៍​កន្លង​មក អ្នក​ជំនាញ​មក​ពី​បណ្ដា​ក្រុមហ៊ុន​ឯកជន និង​អង្គការ​មួយ​ចំនួន ដែល​ធ្វើ​ការ​ពាក់​ព័ន្ធ​នឹង​វិស័យ​ព័ត៌មានវិទ្យា បាន​ណែនាំ​និស្សិត​​ជំនាញ IT ឲ្យ​សិក្សា​ជំនាញ​ដទៃ​ទៀត ដើម្បី​សម្រេច​បាន​ជោគ​ជ័យ​នៅ​ក្នុងជីវិត។