«…បើ​និយាយ​ពី​អំពើ​ហិង្សា​គឺ​មិនមាន​ទេ​ហើយ​ម៉្យាង​គេ​មាន​ប្រាក់​បន្ថែម​ម៉ោង​ឲ្យ​យើង។ បើ​យើង​ធ្វើការ​ថ្ងៃ​ឈប់​សម្រាក​គេ​មាន​ប្រាក់​គុណ​ឲ្យ​យើង​ថែម​ទៀត។ និយាយ​ទៅ​គេ​គោរព​សិទ្ធិ​ពលករ អ៊ីចឹង​បាន​ធ្វើឲ្យ​ទាំង​ខ្ញុំ​ទាំង​គេ​ចង់​ទៅ​ធ្វើការ​នៅ​ទី​នោះ...»។ នេះ​គឺជា​សម្តី​របស់​យុវជន​ម្នាក់​ឈ្មោះ សុំ សុភាព អាយុ ២១ ឆ្នាំ​ដែល​ទើប​នឹង​ប្រឡង​ជាប់​ទៅ​ធ្វើការ​នៅឯ​ប្រទេស​កូរ៉េ។ សុភាព​ពុំ​មែន​ជា​មនុស្ស​តែ​ម្នាក់​ទេ​ដែល​ដាក់​ពាក្យ​ប្រឡង​ទៅ​ធ្វើការ​នៅ​ប្រទេស​កូរ៉េ។