The Phnom Penh Post Search

Search form




Logo of Phnom Penh Post newspaper Phnom Penh Post - Facebook ប្រកាស​ប្រាក់​ចំណេញ​ជិត​ ៩០០​លាន​ដុល្លារ

Facebook ប្រកាស​ប្រាក់​ចំណេញ​ជិត​ ៩០០​លាន​ដុល្លារ

Content image - Phnom Penh Post
លោក Mark Zuckerberg ស្ថាបនិក និង​ជា​នាយក​ប្រតិបត្តិ​ក្រុមហ៊ុន Facebook ថ្លែងក្នុង​សន្និសីទ​កាសែត​មួយ​នៅ​ទីក្រុង​សាន់ហ្វ្រានស៊ីស្កូ។ bloomberg

Facebook ប្រកាស​ប្រាក់​ចំណេញ​ជិត​ ៩០០​លាន​ដុល្លារ

សាន់ហ្រ្វានស៊ីស្កូ៖ ក្រុម​ហ៊ុន​ទំនាក់​ទំនង​សង្គម​ Facebook បាន​ប្រកាស​នៅ​ថ្ងៃ​ព្រហស្បតិ៍​នេះ​ថា ប្រាក់​ចំនេញ​របស់​ខ្លួន​នៅ​ក្នុង​ត្រីមាស​ទី​បី​នៃឆ្នាំ​២០១៥នេះ​ បាន​កើន​ឡើង​ដល់​ ៨៩១លាន​ដុល្លារ​ ពោលគឺកើន​ឡើង​អត្រា​ ១១​ភាគ​រយ​ ដោយ​សារ​កំណើន​ឡើង​ខ្ពស់នៃប្រាក់​ចំណូល​របស់​ក្រុម​ហ៊ុន​ដែល​បាន​មក​ពីកា​រ​ផ្តល់​សេវា​ផ្សព្វ​ផ្សាយ​ពាណិជ្ជកម្ម។

បណ្តាញ​ទំនាក់​ទំនង​សង្គម​ធំ​ជាង​គេ​នៅ​លើ​ពិភព​លោក​មួយ​នេះ បាន​ប្រកាស​ផង​ដែរ​ថា ​ចំនួនអ្នក​ប្រើ​ប្រាស់​សកម្ម​របស់​ខ្លួន​ ក៏​មាន​ការ​កើន​ឡើង​ដល់​ ១.៥៥​ពាន់​លាន​នាក់​នៅ​ជុំ​វិញ​ពិភព​លោក ដែល​ច្រើន​ជា​ង​ចំនួន​កាល​ពី​ឆ្នាំ​មុន​ ១៤​​ភាគ​រយ។

ក្រុម​ហ៊ុន Facebook បាន​ទទួល​ប្រាក់​ចំណូល ៤.៥ ពាន់​លាន​ដុល្លា​ដែល​តួរ​លេខ​នេះ​ខ្ពស់​ជាង​ឆ្នាំ​មុន​ ៤១​​ភាគ​រយ។​ ភាគ​ច្រើន​នៃ​​ប្រាក់​ចំណូល​​ទាំង​នេះ បាន​ទទួល​ពី​សេវា​ផ្សព្វផ្សាយ​ពាណិជ្ជកម្ម ហើយ​នៅ​ក្នុង​នោះ ចំណូល​ដែល​បាន​មក​ពី​ការ​ផ្សព្វ​ផ្សាយ​ពាណិជ្ជកម្ម​តាម​រយៈ​ទូរស័ព្ទ​ចល័ត​មាន​ ៧៨​ភាគ​រយ នៅ​ក្នុង​ត្រី​មាស​នេះ​ បើ​ធៀប​ទៅ​ឆ្នាំ​ត្រី​មាស​ទី ៣ ឆ្នាំ​២០១៤ ដែល​មាន​កំណើន​ត្រឹម ​៦៦ភាគ​រយ​ប៉ុណ្ណោះ។

លោក Mark Zuckerberg ស្ថាបនិក និង​ជា​នាយក​ប្រតិបត្តិ​របស់​ Facebook បាន​និយាយថា៖ «យើង​មាន​ត្រី​មាស​មួយ​ដ៏​ល្អ ហើយ​យើង​បាន​សម្រេច​ច្រើន​ក្នុង​រយៈ​ពេល​នេះ។ យើង​កំពុង​តែ​​ផ្តោត​ទៅ​លើ​​ការ​បង្កើត​ថ្មី និង​ការ​វិនិយោគ​សម្រាប់​រយៈ​ពេល​វែង ដើម្បី​បម្រើ​សហគមន៍របស់​យើង​ និង​ភ្ជាប់​ពិភព​លោក​ទាំង​មូល»៕ AFP/ប្រែ​សម្រួល​ដោយ តាំង រីនិត្យ

អត្ថបទគួរចាប់អារម្មណ៍