The Phnom Penh Post Search

Search form




Logo of Phnom Penh Post newspaper Phnom Penh Post - Google Map អាច​មើល​បាន​ទោះបី​គ្មាន​អ៊ិនធឺណិត

Google Map អាច​មើល​បាន​ទោះបី​គ្មាន​អ៊ិនធឺណិត

Content image - Phnom Penh Post
អ្នក​បើក​បរ​រថយន្ត​តាក់ស៊ី​ម្នាក់​មើល​ផែនទី​នៅ​លើ​ទូរស័ព្ទ​ដៃ។ bloomberg

Google Map អាច​មើល​បាន​ទោះបី​គ្មាន​អ៊ិនធឺណិត

សាន់ហ្វ្រាន់ស៊ីស្កូ៖ ក្រុម​ហ៊ុនបច្ចេកវិទ្យា Google បាន​​ដាក់​បន្ថែម​នូវ​មុខងារ​ថ្មី​មួយ​ទៅ​លើ​ Map App ដែល​អនុញ្ញាត​ឲ្យ​អ្នក​ប្រើ​ប្រាស់​ទាញយក​នូវ​ផែន​ទី​ដ៏លម្អិត​នៅ​តំបន់​ណាមួយ ដើម្បី​ឲ្យ​ពួក​គេ​អាច​ស្វែងរក​ផ្លូវ​ ទោះ​បី​ជា​ទូរស័ព្ទ​របស់​ពួក​គេ​គ្មាន​ភ្ជាប់​អ៊ីនធឺណិត​ក៏​ដោយ។

សព្វថ្ងៃ​នេះ​ មុខងារ​ដ៏​មាន​ប្រយោជន៍​​នេះ អាច​ប្រើ​ប្រាស់​បាន​នៅ​លើទូរស័ព្ទ​ស្មាត​ហ្វូន​ដែល​ដំណើរ​ការ​ដោយ​ប្រព័ន្ធ Android ​ប៉ុន្តែ ក្រុម​ហ៊ុន Google ក៏​មាន​គម្រោង​ដាក់​វា​ឲ្យ​ប្រើ​ប្រាស់​នៅ​លើ​ទូរស័ព្ទ iPhone ក្នុ​ង​ពេល​ឆាប់ៗ​នេះ​ដែរ។

កាល​ពី​មុន អ្នក​ប្រើ​ប្រាស់​ក៏​អាច​​មើល​ផែនទី​នៅ​ពេល​ដែល​គ្មាន​ប្រព័ន្ធ​អ៊ីន​ធើណេត​នៅលើ​កម្មវិធី​នេះ​បានដែរ ប៉ុន្តែ ផែន​ទី​ដែល​បង្ហាញ​ឡើង​នោះ​ពុំ​មាន​ព័ត៌មាន​លអ្អិត និង​បង្ហាញ​ពី​កន្លែង​ដែល​ពួកគេ​កំពុង​តែ​ស្ថិត​នៅ​ឡើយ។ ដូច្នេះ​ហើយ អ្នក​ប្រើ​ប្រាស់​ពុំ​អាច​ប្រើ​ប្រាស់​វា​សម្រាប់​បង្ហាញ​ផ្លូវ​ធ្វើ​ដំណើរ​បាន​នោះ​ឡើយ។

ជាមួយ​នឹង​មុខ​ងារ​ថ្មី​នេះ អ្នក​ប្រើ​ប្រាស់​អាច​ទាញ​យក​ផែន​ទី​ដែល​មាន​ព័ត៌មាន​យ៉ាង​លម្អិត​ពី​ទីតាំង​របស់​ពួក​គេ ឬ​កន្លែង​ដែល​គេ​ចង់​ទៅ ដែល​អាច​ឲ្យ​ពួកគេ​ប្រើ​ប្រាស់​មុខងារ​បង្ហាញ​ផ្លូវ​ ព័ត៌មាន​ និង​ទី​តាំងរបស់​កន្លែង​នានា និង​ព័ត៌មាន​ដទៃ​ទៀត​ដូច​ជា​​លេខ​ទូរស័ព្ទ​ទំនាក់​ទំនង​របស់​កន្លែង​ណា​មួយ។

ជា​ការ​ពិត ការ​ទាញ​យក​ផែន​ទី​ នឹង​តម្រូវ​ឲ្យ​លោក​អ្នក​ប្រើ​ប្រាស់​អង្គ​ចង​ចាំ​នៅ​ក្នុង​ទូរស័ព្ទដៃ។ ក្រុម​ហ៊ុន​ Google បាន​ឲ្យ​ដឹង​ថា ការ​ទាញ​យក​នូ​វផែន​ទី​នៃ​ទី​ក្រុង​ឡុងដ៍​ទាំង​មូល​ ត្រូវការ​អង្គចងចាំ​ប្រមាណ 300 MB ដែល​មាន​ទំហំ​ធំ​គ្រាន់​បើ​ដែរ ប្រសិន​បើ​​មាន​រូប​ភាព តន្រ្តីចម្រៀង និងរូបថត​ច្រើន​រួច​ទៅ​ហើយ​នៅ​ក្នុង​ទូរស័ព្ទ​ដៃ៕ Independent/ប្រែ​សម្រួល​ដោយ តាំង រីនិត្យ

អត្ថបទគួរចាប់អារម្មណ៍