The Phnom Penh Post Search

Search form




Logo of Phnom Penh Post newspaper Phnom Penh Post - Jack Ma រំលឹក​ឡើង​វិញ​ពី​ជីវភាព​គ្រូ​បង្រៀន​ដ៏​រីក​រាយ

Jack Ma រំលឹក​ឡើង​វិញ​ពី​ជីវភាព​គ្រូ​បង្រៀន​ដ៏​រីក​រាយ

Content image - Phnom Penh Post
លោក Jack Ma ស្ថាបនិក និង​ជា​នាយក​ប្រតិបត្តិ​ក្រុមហ៊ុន Alibaba។ bloomberg

Jack Ma រំលឹក​ឡើង​វិញ​ពី​ជីវភាព​គ្រូ​បង្រៀន​ដ៏​រីក​រាយ

ប៉េកាំង៖ លោក​ Jack Ma ប្រហែល​ជា​សហគ្រិន​អ៊ីន​ធឺណិត​ដ៏​ជោគ​ជ័យ​បំផុត និង​ជា​មហា​សេដ្ឋី​ម្នាក់​ប្រចាំ​ប្រទេស​ចិន។ ប៉ុន្តែ​ នៅ​ក្នុង​កម្មវិធី​ទូរទស្សន៍​មួយ​នៅ​ដើម​សប្ដាហ៍​នេះ លោក​បាន​និយាយ​ច្រើន​អំពី​ទ្រព្យ​សម្បត្តិ និង​សារភាព​ថា ពេល​វេលា​ដែល​លោក​សប្បាយ​ចិត្ត​បំផុត គឺ​ពេល​លោក​នៅ​ជា​គ្រូ​បង្រៀន​ក្រី​ក្រ​ម្នាក់។

លោក​ Jack Ma បាន​និយាយ​ប្រាប់​ទស្សនិក​ជន​នៃ​កម្មវិធី​មូយ​របស់​ទូទស្សន៍ CCTV ថា៖ «ខ្ញុំ​មិន​ចាប់​អារម្មណ៍​រឿង​លុយកាក់​ឡើយ ព្រោះ​ពេល​វេលា​ដែល​សប្បាយ​បំផុត​ក្នុង​ជីវិត​របស់​ខ្ញុំ ​គឺ​ពេល​ដែល​ខ្ញុំ​នៅ​ជា​គ្រូ​បង្រៀន​រក​ចំណូល​បាន ​៩១យ៉ន់​(១៤​ដុល្លារអាមេរិក)​។ នៅ​គ្រា​នោះ​ ខ្ញុំ​បាន​សន្សំ​ប្រាក់​ជា​រឿង​រាល់​ខែ​ ដោយ​គិត​ថា​នឹង​អាច​បង្គ្រប់​សម្រាប់​ទិញ​កង់​បាន​ក្នុង​រយៈ​ពេល​ពីរ​បី​ខែ»។

លោក​បាន​បន្តទៀត​ថា៖ «ឥឡូវ​នេះ​ ខ្ញុំ​ពុំ​មាន​តម្រូវ​ការ​នោះទៀត​ទេ ហើយ​ក៏​លែង​បារម្ភ​ពី​បញ្ហា​ប្រាក់​ទៀត​ដែរ។ ហេតុអ្វី​ខ្ញុំ​ត្រូវ​បារម្ភ​ពី​រឿង​លុយ​កាក់? ​សម្រាប់​ខ្ញុំ​ ប្រាក់​គឺ​ជា​ធនធាន​មួយ​ដែល​ខ្ញុំ​អាច​ប្រើប្រាស់​បាន​។ ​ប៉ុន្តែ នៅ​ពេល​ដែល​អ្នក​មាន​លុយ​កាន់​តែ​ច្រើន អ្នក​ក៏​កាន់​តែ​មាន​រឿង​ច្រើន​ត្រូវ​ធ្វើ​ដែរ។ មហាសេដ្ឋី​ប្រចាំ​ប្រទេស​ចិន​ដែល​អ្នក​រាល់​គ្នា​តែង​និយាយ​ពី​គេ ក៏​ជា​មនុស្ស​ដែល​មាន​ទំនួល​ខុស​ត្រូវ​ច្រើន​ជាង​គេ​ដែរ។​ ខ្ញុំ​ពុំ​​បាន​ដឹង​ពី​អារម្ម​ណ៍​នេះ​ឡើយ​រហូត​ទាល់​តែ​ខ្ញុំ​បាន​ស្គាល់​វា​ដោយ​ខ្លួន​ឯង។ ប្រសិន​​អ្នក​ពុំ​មាន​គំនិត​ត្រូវ ពុំ​អនុវត្ត​តាម​វិធីសាស្ត្រ​ត្រូវ​ ពុំ​បាន​ធ្វើ​ការ​ជា​ក្រុម​ជាមួយ​មនុស្ស​ត្រូវ ឬ​ពុំ​មាន​ការ​តស៊ូ​អំណត់​ព្យាយាម​នោះ​ទេ​ អ្នក​ពុំ​អាច​ទទួល​បាន​ជោគ​ជ័យ​ឡើយ»។

លោក​ Ma ក៏​បាន​ប្រាប់ទស្សនិក​ជន​ដែរ​ថា លោក​ធ្លាប់​ត្រូវ​គេ​សួរ​ថា​ បើសិន​ជា​អាច តើ​​លោក​យល់​ព្រម​ប្តូរ​ទ្រព្យ​សម្បត្តិ​លោក​ជា​មួយ​យុវភាព​របស់​យុវជន​ម្នាក់​ទេ?លោក​បាន​ឆ្លើយ​ថា៖ «ខ្ញុំ​ពិត​ជា​យល់​ព្រម​ភ្លាម​។​ ​ប៉ុន្តែ បុរស​ម្នាក់​នោះ នឹង​ស្ដាយ​ក្រោយ​ជា​មិន​ខាន។ តើ​លុយ​ទាំង​នេះ​មាន​ប្រយោជន៍​អ្វី​ទៅ? វា​មិន​មែន​ជា​កម្មសិទ្ធ​របស់​អ្នក​នោះ​ឡើយ​។ ទ្រព្យ​សម្បត្តិ​របស់​យើង​គ្រាន់​តែ​ជា​អ្វី​ដែល​សង្គម​បាន​ផ្តល់​មក​ឲ្យ​យើង​ដើម្បី​ឲ្យ​យើង​យក​ទៅ​​វិនិយោគ​ឲ្យ​កាន់​តែប្រសើរ​តែ​ប៉ុណ្ណោះ។ ប្រសិន​បើ​​អ្នក​គិត​ថា​ ទ្រព្យ​សម្បត្តិ​ទាំង​នោះ​ជា​របស់​អ្នក​ នោះ​គ្រោះ​អកុសល​របស់​អ្នក​ពិត​ជា​បាន​ចាប់​ផ្តើម​​ហើយ»៕ Tech in Asia/ប្រែ​សម្រួល​ដោយ តាំង រីនិត្យ

អត្ថបទគួរចាប់អារម្មណ៍