The Phnom Penh Post Search

Search form

Logo of Phnom Penh Post newspaper Phnom Penh Post - រដ្ឋបាលខេត្ត​ស្វាយរៀង សម្រេច​ផ្អាក​ផ្តល់​សេវា​សុខាភិបាល​នៅ​មន្ទីរពេទ្យបង្អែក​ស្វាយទាប និង​មណ្ឌល​សុខភាព​កណ្តៀងរាយ




រដ្ឋបាលខេត្ត​ស្វាយរៀង សម្រេច​ផ្អាក​ផ្តល់​សេវា​សុខាភិបាល​នៅ​មន្ទីរពេទ្យបង្អែក​ស្វាយទាប និង​មណ្ឌល​សុខភាព​កណ្តៀងរាយ

Content image - Phnom Penh Post
រដ្ឋបាលខេត្ត​ស្វាយរៀង​សម្រេច​ផ្អាក​ផ្តល់​សេវា​សុខាភិបាល​នៅ​មន្ទីរពេទ្យបង្អែក​ស្វាយទាប និង​មណ្ឌល​សុខភាព កណ្តៀងរាយ ស្ថិតនៅ​ភូមិ​ប្រសូតិ​ទី​ ១ ឃុំ​កណ្តៀងរាយ ស្រុក​ស្វាយទាប ខេត្ត​ស្វាយរៀង រយៈពេល​ ១៤ ​ថ្ងៃ​ចាប់ពី​ថ្ងៃទី​ ១១ ដល់​ថ្ងៃទី​ ២៤ ខែមិថុនា ឆ្នាំ​ ២០២១​។

រដ្ឋបាលខេត្ត​ស្វាយរៀង សម្រេច​ផ្អាក​ផ្តល់​សេវា​សុខាភិបាល​នៅ​មន្ទីរពេទ្យបង្អែក​ស្វាយទាប និង​មណ្ឌល​សុខភាព​កណ្តៀងរាយ

ស្វាយរៀងៈ រដ្ឋបាលខេត្ត​ស្វាយរៀង​សម្រេច​ផ្អាក​ផ្តល់​សេវា​សុខាភិបាល​នៅ​មន្ទីរពេទ្យបង្អែក​ស្វាយទាប និង​មណ្ឌល​សុខភាព កណ្តៀងរាយ ស្ថិតនៅ​ភូមិ​ប្រសូតិ​ទី​ ១ ឃុំ​កណ្តៀងរាយ ស្រុក​ស្វាយទាប ខេត្ត​ស្វាយរៀង រយៈពេល​ ១៤ ​ថ្ងៃ​ចាប់ពី​ថ្ងៃទី​ ១១ ដល់​ថ្ងៃទី​ ២៤ ខែមិថុនា ឆ្នាំ​ ២០២១​។

យោងតាម​សេចក្តី​សម្រេច​លេខ ០៥៦/២១ ​សសរ ដែល​ចុះហត្ថលេខា​ដោយ លោក ម៉ែន វិបុល អភិបាលខេត្ត​ស្វាយរៀង នៅ​ថ្ងៃទី ១២ ខែមិថុនា ឆ្នាំ ២០២១ នេះ​ឱ្យដឹងថា ការផ្អាក​ការផ្តល់សេវា​សុខាភិបាល​នៅ​មន្ទីរពេទ្យ​បង្អែក​ស្វាយទាប និង​មណ្ឌល​សុខភាព​កណ្តៀង​រាយ​នេះ​ ដោយសារ​ជា​ទីតាំង​មាន​អ្នក​វិជ្ជមាន​កូវីដ​ ១៩ និង​មាន​អ្នក​ប៉ះពាល់​ដោយផ្ទាល់ និង​ដោយ​ប្រយោល​ជាច្រើន​នាក់​ទៀត ពាក់ព័ន្ធ​ក្នុង​ព្រឹត្តិការណ៍​សហគមន៍​ ២០ ​កុម្ភៈ ២០២១​។

រដ្ឋបាលខេត្ត​ស្វាយរៀង​បាន​តម្រូវ​មន្ត្រីរាជការ-បុគ្គលិក​នៃ​មន្ទីរពេទ្យបង្អែក​ស្វាយទាប និង​មណ្ឌល​សុខភាព​កណ្តៀងរាយ ព្រមទាំង​អ្នកពាក់ព័ន្ធ​ទាំងអស់​ត្រូវ​ផ្តល់​វត្ថុ​វិភាគ​សំណាក​ដល់​មន្ត្រី​សុខាភិបាល​ទៅ​វិភាគ​រក​មេរោគ​កូវីដ​ ១៩ និង​ត្រូវ​ចូលរួម​ជាមួយ​អាជ្ញាធរ​នឹង​ក្រុម​ការងារ​ស្រាវជ្រាវ​តាមដាន​បុគ្គល​សង្ស័យ​មាន​ជំងឺ​កូវីដ​ ១៩ ខេត្ត​ក្នុង​ការផ្តល់​ព័ត៌មាន​ ដើម្បី​ស្រាវជ្រាវ និង​ស្វែងរក​អ្នក​ប៉ះពាល់​ផ្សេងៗ​ទៀត ដើម្បី​យក​វត្ថុ​វិភាគ​សំណាក​។

បើតាម​រដ្ឋបាលខេត្ត​ស្វាយរៀង មន្ត្រីរាជការ-បុគ្គលិក​នៃ​មន្ទីរពេទ្យ​បង្អែក​ស្វាយទាប និង​មណ្ឌល​សុខភាព​កណ្តៀង​រាយ ព្រមទាំង​អ្នកពាក់ព័ន្ធ​ទាំងអស់​ខាងលើ ត្រូវធ្វើ​ចត្តាឡីស័ក​ឱ្យ​បាន​ត្រឹមត្រូវ​តាម​ការណែនាំ​របស់​ក្រសួង​សុខាភិបាល និង​ត្រូវ​សហការ​ទៅធ្វើ​តេស្ត​រក​មេរោគ​កូវីដ​ ១៩​។ ក្នុងអំឡុងពេល​នៃ​ការអនុវត្ត​វិធានការ​ផ្អាក​នេះ​ត្រូវ​បាន​ហាមឃាត់​រាល់​ការជួបជុំ ឬ ការប្រមូលផ្តុំ​មនុស្ស លើកលែងតែ​ក្នុង​ករណី​ចាំបាច់​មួយចំនួន​។

ក្នុង​អំឡុងពេល​នៃ​ការផ្អាក​នេះ រដ្ឋបាលខេត្ត​ស្វាយរៀង​បាន​អំពាវនាវ​ដល់​ប្អូន​ប្រជាពលរដ្ឋ និង​សាធារណជន​ដែល​មាន​បញ្ហា​សុខភាព សូមមេត្តា​ទៅ​ទទួល​សេវា​សុខាភិបាល​នៅ​មន្ទីរពេទ្យបង្អែក​ជីភូ ឬ​នៅ​មូលដ្ឋាន​សុខាភិបាល​ផ្សេងៗ​ទៀត ដែល​នៅ​ក្បែរ​លំនៅឋាន​របស់​បងប្អូន​ប្រជាពលរដ្ឋ​។

រដ្ឋបាលខេត្ត​ស្វាយរៀង​បញ្ជាក់​ទៀត​ថា រូបវន្តបុគ្គល ឬ​នីតិបុគ្គល​ទាំងឡាយណា ដែល​មិន​អនុវត្ត​តាម​ខ្លឹមសារ​នេះ​នឹង​ត្រូវ​ទទួលទោស​ដូច​មាន​កំណត់​ក្នុង​ច្បាប់​ស្តីពី​វិធានការ​ទប់ស្កាត់​ការឆ្លង​រាលដាល​នៃ​ជំងឺ​កូន ១៩ និង​ជំងឺឆ្លង​កាចសាហាវ ប្រកប​ដោយ​គ្រោះថ្នាក់​ធ្ងន់ធ្ងរ​ផ្សេងៗ​ទៀត និង​លិខិតបទដ្ឋាន​គតិយុត្ត​ពាក់ព័ន្ធ​ជា​ធរមាន​៕

អត្ថបទគួរចាប់អារម្មណ៍