ភ្នំពេញៈមនុស្សចំនួន១៧នាក់បន្ថែមទៀតបានទទួលមរណភាពដោយសារជំងឺកូវីដ១៩ដែលធ្វើឱ្យអ្នកស្លាប់នៅទូទាំងប្រទេសកើនឡើងរហូតដល់ជាង៤០០នាក់ ខណៈដែលអ្នកឆ្លងថ្មីត្រូវបានរកឃើញមានរហូតដល់ ៦៥៩នាក់ និងអ្នកជាសះស្បើយមានចំនួន ៦២១នាក់។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃនេះបានឱ្យដឹងថា អ្នកដែលបានរកឃើញមានឆ្លងថ្មីនេះ មានករណីឆ្លងក្នុងព្រឹត្តិការណ៍សហគមន៍ចំនួន ៦០៧នាក់ និងអ្នកដំណើរមកពីបរទេសមានចំនួន ៥២នាក់។
គិតត្រឹមព្រឹក ថ្ងៃទី២០ ខែមិថុនា ឆ្នាំ២០២១នេះ ប្រទេសកម្ពុជាមានអ្នកឆ្លងវីរុសកូវីដ១៩សរុបកើនឡើងដល់ ៤២ ៧១១ នាក់ អ្នកជាសះស្បើយសរុបចំនួន ៣៧ ៤៨៩នាក់ និងអ្នកស្លាប់បានកើនឡើងដល់ ៤៣១នាក់៕