ភ្នំពេញៈ ថ្ងៃនេះមានអ្នកឆ្លងជំងឺកូវីដ ១៩ ថ្មីចំនួន ៦៥៥ នាក់ ខណៈអ្នកដែលត្រូវបានព្យាបាលជាសះស្បើយចំនួន ៦៩៦ នាក់ និងមានអ្នកស្លាប់ចំនួន ១៨ នាក់។ នេះបើតាមសេចក្តីប្រកាសរបស់ក្រសួងសុខាភិបាល។
ក្រសួងសុខភិបាលបញ្ជាក់ថា ករណីរកឃើញថ្មីនេះ មានឆ្លងក្នុងព្រឹត្តិការណ៍សហគមន៍ចំនួន ៥៨៣ នាក់ និងអ្នកដំណើរមកពីបរទេសចំនួន ៧២ នាក់។
បើតាមក្រសួងសុខាភិបាល គិតត្រឹមព្រឹកថ្ងៃទី ២៤ ខែមិថុនា ឆ្នាំ ២០២១ ប្រទេសកម្ពុជា មានអ្នកវិជ្ជមានវីរុសកូវីដ ១៩ សរុបទូទាំងប្រទេសបានកើនឡើងដល់ ៤៥ ៣៦៦ នាក់ ក្នុងនោះអ្នកជាសះស្បើយចំនួន ៤០ ០១០ នាក់ និងអ្នកស្លាប់ក៏បានកើនឡើងដល់ ៤៩៣ នាក់៕