.jpg)
រដ្ឋបាលខេត្តស្វាយរៀង ប្រកាសរកឃើញអ្នកវិជ្ជមានកូវីដ ១៩ ចំនួន ៨៩នាក់បន្ថែមទៀត ខណៈមានអ្នកជាសះស្បើយ ១៣នាក់ដែលនាំឱ្យខេត្តនេះ មានអ្នកឆ្លងសរុបចំនួន ១៨០០ នាក់។ រូបថត រដ្ឋបាលខេត្តស្វាយរៀង
ស្វាយរៀងៈ រដ្ឋបាលខេត្តស្វាយរៀង ប្រកាសរកឃើញអ្នកវិជ្ជមានកូវីដ ១៩ ចំនួន ៨៩នាក់បន្ថែមទៀត ខណៈមានអ្នកជាសះស្បើយ ១៣នាក់ដែលនាំឱ្យខេត្តនេះ មានអ្នកឆ្លងសរុបចំនួន ១៨០០ នាក់។
សេចក្តីជូនដំណឹងរបស់រដ្ឋបាលខេត្តស្វាយរៀង បានឱ្យដឹងថា កាលពីថ្ងៃទី២៤ ខែមិថុនានេះ អ្នកឆ្លងជំងឺកូវីដ ១៩ មានចំនួន ៨៩ នាក់(ស្រី ៤៦) និងអ្នកជាសះស្បើយ ១៣នាក់ និងមានអ្នកស្លាប់ ១នាក់។
សេចក្តីជូនដំណឹងបន្តថា គិតត្រឹមថ្ងៃទី ២៤ មិថុនា ២០២១ អ្នកឆ្លងកូវីដ ១៩ សរុបក្នុងទឹកដីខេត្តស្វាយរៀងមានចំនួន ១៨០០នាក់ (ស្រី១០៥១) ជាសះស្បើយ ១១៥៣ នាក់(ស្រី ៦៥២) កំពុងសម្រាកព្យាបាល ៦៣១នាក់ (ស្រី ៣៩១) និងមានករណីស្លាប់ដោយសារជំងឺកូវីដ ១៩ មានចំនួន ១៥នាក់ (ស្រី ៨)។
ទន្ទឹមនឹងនេះដែរ រដ្ឋបាលខេត្តស្វាយរៀង អំពាវនាវដល់ប្រជាពលរដ្ឋ សូមអនុវត្តនូវវិធានការរបស់ក្រសួងសុខាភិបាល និងវិធានការខេត្ត ឱ្យមានប្រសិទ្ធភាព ដើម្បីកាត់ផ្តាច់ការឆ្លងជំងឺកូវីដ១៩៕
