សៀមរាបៈ រដ្ឋបាលខេត្តសៀមរាបបានប្រកាសពីការបន្តរកឃើញអ្នកវិជ្ជមានកូវីដ ១៩ចំនួន ៤៩ នាក់ បន្ថែមទៀត អ្នកជាសះស្បើយ ៦២ នាក់ និងស្លាប់ចំនួន ១នាក់ នៅថ្ងៃទី ២៤ ខែមិថុនា ឆ្នាំ ២០២១។
សេចក្តីជូនដំណឹងរបស់រដ្ឋបាលខេត្តសៀមរាប បានឱ្យដឹងថា មកទល់ពេលនេះ ពោលគិតត្រឹមថ្ងៃទី ២៤ ខែមិថុនានេះ ខេត្តសៀមរាប មានអ្នកវិជ្ជមានកូវីដ ១៩ សរុបចំនួន ៧៥១ នាក់ ព្យាបាលជាសះស្បើយ ២៦៧ នាក់ ស្លាប់ ៩នាក់ និង អ្នកជំងឺកំពុងសម្រាកព្យាបាលនៅមន្ទីរពេទ្យបង្អែកខេត្តមានចំនួន ៤៧៥ នាក់។
រដ្ឋបាលខេត្តសៀមរាប អំពាវនាវដល់បងប្អូនប្រជាពលរដ្ឋ ដែលបានដឹងថា ខ្លួនពាក់ព័ន្ធដោយផ្ទាល់ ឬដោយប្រយោលជាមួយអ្នកវិជ្ជមានកូវីដ ១៩ សូមរួសរាន់ធ្វើចត្តាឡីស័ក តាមផ្ទះរៀងៗខ្លួន ឱ្យបានគ្រប់ ១៤ថ្ងៃ ដោយមិនត្រូវពាក់ព័ន្ធ និងប៉ះពាល់ជាមួយអ្នកដទៃដាច់ខាត៕