The Phnom Penh Post Search

Search form




Logo of Phnom Penh Post newspaper Phnom Penh Post - គ្រឿង​ញៀន​ជាង ​៨០០​ គីឡូក្រាម ​និង​មនុស្ស​ពាក់ព័ន្ធ​ជាង​ ៧ ០០០ ​នាក់ ​ត្រូវបាន​សមត្ថកិច្ច​បង្ក្រាប​និង​ឃាត់​ខ្លួនក្នុងរយៈពេល​ ៦ ខែ ក្នុងឆ្នាំនេះ

គ្រឿង​ញៀន​ជាង ​៨០០​ គីឡូក្រាម ​និង​មនុស្ស​ពាក់ព័ន្ធ​ជាង​ ៧ ០០០ ​នាក់ ​ត្រូវបាន​សមត្ថកិច្ច​បង្ក្រាប​និង​ឃាត់​ខ្លួនក្នុងរយៈពេល​ ៦ ខែ ក្នុងឆ្នាំនេះ

Content image - Phnom Penh Post
ជនជាតិចិន និងវៀតណាម ៥ នាក់ ត្រូវបានឃាត់ខ្លួនជាមួយគ្រឿងញៀនជាង ១០០ គីឡូក្រាម កាលពីថ្ងៃទី ១ មិថុនា នៅខេត្តកណ្តាល និងភ្នំពេញ។ រូបថត ប៉ូលិស​

គ្រឿង​ញៀន​ជាង ​៨០០​ គីឡូក្រាម ​និង​មនុស្ស​ពាក់ព័ន្ធ​ជាង​ ៧ ០០០ ​នាក់ ​ត្រូវបាន​សមត្ថកិច្ច​បង្ក្រាប​និង​ឃាត់​ខ្លួនក្នុងរយៈពេល​ ៦ ខែ ក្នុងឆ្នាំនេះ

ភ្នំពេញៈ រយៈពេល ​៦​ ខែ ក្នុង​ឆ្នាំ ២០២១ ​នេះ ​សមត្ថកិច្ច​បាន​បង្ក្រាប​គ្រឿងញៀន​ជាង ​៨០០ ​គីឡូក្រាម ​និង​ឃាត់​ខ្លួន​មនុស្ស​ជាង ​៧​ ០០០ នាក់ ​និង​រក​ឃើញ​ដើម​កញ្ឆា​ជាង ​១​៤ ០០០ ដើម​។ នេះ​បើ​តាម​របាយការណ៍​មន្ទីរ​ប្រឆាំង​បទល្មើស​គ្រឿង​ញៀន ​នៃ​អគ្គស្នងការដ្ឋាន​នគរ​បាល​ជាតិ​កាលពី​ថ្ងៃ​ទី ២៦ មិថុនា។

របាយការណ៍​បាន​ឱ្យដឹងថា​ លទ្ធផល​អនុវត្ត​ច្បាប់​ចាប់ពី​ខែមករា ​ដល់​ខែមិថុនា​នេះ ​នគរបាល​បាន​បង្ក្រាប​បទល្មើស​គ្រឿង​ញៀន​ចំនួន ​៣ ១៤៩ ករណី​ ក្នុង​នោះ​បាន​ឃាត់ខ្លួន​មនុស្ស​ចំនួន​ជាង​៧ ​០០០នាក់ ​មាន​ជនបរទេស​ ១២០ នាក់​ មាន​ ៨ ​សញ្ជាតិ ​និង​ដកហូត​គ្រឿងញៀន​បាន​ជាង ​៨០០ ​គីឡូក្រាម។ ​ក្រៅពី​នេះ​ក៏បាន​រក​ឃើញ​ដើម​កញ្ឆា​ជាង​ ១​៤ ០០០​ ដើម​ផង​ដែរ។

របាយ​ការណ៍​បាន​បង្ហាញថា ​ករណី​គ្រឿងញៀន​ក្នុង​រយៈពេល ​៦ ​ខែ​មកនេះ ​កើត​មាន​ឡើង​តាម​រូបភាព​ ជួញដូរ ​រក្សាទុក​ កែច្នៃ ​ចាត់ចែង ​ប្រើប្រាស់​ និង​មាន​ជាង​ ២០០ ករណី ​ជា​ការបង្ក្រាប ​ដោយ​អនុវត្ត​តាម​ដីកា​របស់​តុលាការ។

ក្រៅ​ពី​ឃាត់ខ្លួន​មនុស្ស ​និង​ដកហូត​គ្រឿងញៀន​នគរបាល ​ក៏បាន​ឃាត់ទុក​នូវ​មធ្យោបាយ​ផ្សេងៗ​មួយ​ចំនួន​ទៀត​រួមមាន​ រថយន្ដ ​៤៧ ​គ្រឿង ​ម៉ូតូ ៨១៨​ គ្រឿង ​អាវុធខ្លី​ ៥​ ដើម ​អាវុធ​វែង ​១៨​ដើម ​និង​អាវុធ​កែច្នៃ ១១ ​ដើម​ផង​ដែរ៕

អត្ថបទគួរចាប់អារម្មណ៍