ភ្នំពេញៈ នារីវ័យក្មេង ២ នាក់បានស្លាប់ កាលពីថ្ងៃទី ២៨ ខែមិថុនានេះ នៅក្នុងសង្កាត់ព្រែកភ្នៅ ត្រូបានបញ្ជាក់ថា ករណីស្លាប់នេះកើតឡើងក្រោយពីពួកគេបានផឹកស្រាឡុកដែលមានសារធាតមេតាណុលកម្រិតខ្ពស់។
លោក ញាណ នន នាយប៉ុស្តិ៍នគរបាលសង្កាត់ឃ្មួញប្រាប់ ភ្នំពេញ ប៉ុស្តិ៍ នៅថ្ងៃទី ២៨ ខែមិថុនានេះថា នារីទាំងពីររូបនេះ មានឈ្មោះ អ៊ុយ ស្រីម៉ៅ អាយុ ២១ ឆ្នាំ និង ឈ្មោះអ៊ុយ ស្រីដា អាយុ ១៩ ឆ្នាំ ជាបងប្អូនបង្កើត ធ្លាប់ធ្វើការនៅក្នុងភោជនីយដ្ឋានមួយកន្លែង ឈ្មោះអរគីដេ ស្ថិតនៅក្នុងសង្កាត់ព្រែកព្នៅ។
លោក ញាណ នន បញ្ជាក់ទៀតថា៖ «ពួកគាត់មានសភាពមិនស្រួលខ្លួន ក៏ត្រូវបានសាច់ញាតិបញ្ជូនទៅមន្ទីរពេទ្យ កាលម៉ែត្រដើម្បីព្យាបាល ប៉ុន្តែត្រូវបានស្លាប់នៅឯមន្ទីរពេទ្យនោះ។ ខ្ញុំបានធ្វើសេចក្តីរាយការណ៍នេះទៅស្នងការរាជធនីភ្នំពេញ រួចហើយដែរ ដោយមានការខាងក្រុមគ្រូពេទ្យ ក៏ដូចជាក្រុមកោសលវិច័យ បានចុះមកត្រួតពិនិត្យសាកសព ហើយក៏បានអនុញ្ញាតឱ្យមានការធ្វើបុណ្យទៅតាមប្រពៃណីរួចហើយ»៕