កណ្តាល៖ រដ្ឋបាលខេត្តកណ្តាលបានសម្រេចផ្អាកការផ្តល់សេវាសាធារណៈដល់ប្រជាពលរដ្ឋនៅអង្គភាពច្រកចេញចូលតែមួយរយៈពេលប្រមាណ ១០ ថ្ងៃ ដើម្បីទប់ស្កាត់ការឆ្លងរីករាលដាលជំងឺកូវីដ ១៩។
រដ្ឋបាលខេត្តកណ្តាល បញ្ជាក់ក្នុងសេចក្តីជូនដំណឹងចុះថ្ងៃទី ១ ខែកក្កដាថា៖ «អង្គភាពច្រកចេញចូលតែមួយខេត្តកណ្តាល ផ្អាកដំណើរការជាបណ្តោះអាសន្នក្នុងការផ្តល់សេវាគ្រប់ប្រភេទ ជូនដល់ប្រជាពលរដ្ឋ និងសាធារណជនទាំងអស់ ចាប់ពីថ្ងៃជូនដំណឹងនេះតទៅ រហូតដល់ថ្ងៃទី ១២ ខែ កក្កដា ឆ្នាំ ២០២១»។
ការផ្អាកផ្តល់សេវានេះ ដោយរដ្ឋបាលខេត្តត្រូវត្រួតពិនិត្យតាមដាន និងអនុវត្តវិធានការទប់ស្កាត់ការឆ្លងរាលដាលជំងឺកូវីដ ១៩ ដែលអាចប្រឈមនឹងហានិភ័យដល់ប្រជាពលរដ្ឋដែលអញ្ជើញមកទទួលសេវា៕