ភ្នំពេញ៖ អគ្គិភ័យបានឆាបឆេះបំផ្លាញទាំងស្រុងរោងចាំយាមវិទ្យាល័យបឹងកេងកង ស្ថិតនៅក្នុងសង្កាត់បឹងកេងកង ខណ្ឌបឹងកេងកង នៅថ្ងៃទី ២ ខែកក្កដា ហើយត្រូវបានពន្លត់អស់ទៅវិញ បន្ទាប់ពីបានឆាបឆេះអស់ប្រមាណ ១០ នាទីក្រោយមក។
អគ្គស្នងការនគរបាលជាតិបានបញ្ជាក់លើគេហទំព័រថា៖ «នៅថ្ងៃទី ០២ ខែ កក្កដា ឆ្នាំ ២០២១ វេលាម៉ោង ១៧ និង ១០ នាទី មានអគ្គិភ័យឆាបឆេះរោងចាំយាមវិទ្យាល័យបឹងកេងកងមានទំហំ ៤x៥ ម៉ែត្រ បំផ្លាញទាំងស្រុង»។
អគ្គស្នងការនគរបាលជាតិបញ្ជាក់ថា៖ «ក្នុងហេតុការណ៍សមត្ថកិច្ចផ្នែកអគ្គិភ័យបានជួយអន្តរាគមន៍បាញ់ពន្លត់ទាំងស្រុងនៅវេលាម៉ោង ១៧ និង ២០ នាទី មិនបង្កឲ្យឆេះរាលដាលប៉ះពាល់ដល់អគារសាលាឡើយ»។
ទោះយ៉ាងណាអគ្គស្នងការដ្ឋាននគរបាលជាតិមិនបានប្រាប់ឱ្យដឹងអំពីមូលហេតុដែលបណ្តាលឱ្យឆេះនេះទេ៕