.jpg)
ឧបករណ៍តេស្តរហ័សរកវីរុសកូវីដ ១៩។ ហ៊ាន រង្សី
ភ្នំពេញៈ លោកនាយករដ្ឋមន្ត្រី ហ៊ុន សែន ប្រាប់ឱ្យមន្ត្រីចេះសន្សំសំចៃក្នុងការប្រើប្រាស់ឧបករណ៍តេស្តរហ័សរកវីរុសកូវីដ ១៩ ថែមទាំងចេះសន្សំសំចៃថវិកាទុក សម្រាប់ទិញឧបករណ៍តេស្តរហ័សនេះដើម្បីប្រើប្រាស់បន្តទៀត។ នេះបើយោងតាមសេចក្តីប្រកាសព័ត៌មានរបស់ទីស្តីការគណៈរដ្ឋមន្ត្រី។
លោកថ្លែងថា៖ «គ្រប់ក្រសួងស្ថាប័នត្រូវយកចិត្តទុកដាក់ក្នុងការប្រើប្រាស់ឧបករណ៍តេស្តរហ័សដោយសន្សំសំចៃ និងប្រើថវិកាសន្សំដើម្បីទិញឧបករណ៍តេស្តរហ័សសម្រាប់ប្រើប្រាស់នៅក្នុងសាមីក្រសួងស្ថាប័ន»។
ការថ្លែងរបស់លោកនាយករដ្ឋមន្ត្រី ហ៊ុន សែន ធ្វើឡើងក្នុងពេលដែលលោកដឹកនាំកិច្ចប្រជុំគណៈរដ្ឋមន្ត្រីតាមប្រព័ន្ធអនឡាញ (Zoom) នៅថ្ងៃទី ៩ ខែកក្កដានេះ។
លោក ហ៊ុន សែន ក៏ប្រាប់ឱ្យរដ្ឋបាលខេត្តនៅតាមព្រំដែន និងអនុគណៈកម្មការគ្រប់គ្រងច្រកទ្វារចេញ-ចូលប្រទេស និងការធ្វើចត្តាឡីស័កត្រូវយកចិត្តទុកដាក់ពង្រឹងសមត្ថភាពការធ្វើចត្តាឡីស័ក ចំពោះពលករ និងប្រជាពលរដ្ឋដែលឆ្លងដែនចូលកម្ពុជាឱ្យបានហ្មត់ចត់ ដើម្បីទប់ស្កាត់ការឆ្លងរាលដាលនៃជំងឺកូវីដ ១៩ បំប្លែងថ្មី DELTA កុំឱ្យចូលមកក្នុងសហគមន៍។
លោកក៏បានប្រាប់ឱ្យគ្រប់ក្រសួងស្ថាប័នត្រូវអនុវត្តការងារតាមប្រព័ន្ធអនឡាញ ដើម្បីធានារក្សាប្រក្រតីភាពការងារ និងចូលរួមទប់ស្កាត់ការឆ្លងរាលដាលនៃជំងឺកូវីដ ១៩៕
វីដេអូ៖
