.jpg)
ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ី អំពាវនាវប្រជាពលរដ្ឋខ្មែរទាំងអស់ដែលកំពុងស្នាក់នៅក្នុងប្រទេសនេះ សូមកុំធ្វើការបន្លាស់ទីពីកន្លែងមួយទៅកាន់ទីកន្លែងមួយ ខណៈការឆ្លងរីករាលដាលនៃជំងឺកូរីដ១៩ បំប្លែងថ្មី "Deltal Delta Plus” កំពុងមានហានិភ័យខ្ពស់ និងការកើនឡើងយ៉ាងឆាប់រហ័សក្នុងរយៈពេលជាងមួយខែកន្លងមកនេះ។
សេចក្តីជូនដំណឹង ចុះថ្ងៃទី ៩ កក្កដា បានឲ្យដឹងថា ដើម្បីចូលរួមទប់ស្កាត់ការឆ្លងរីករាលដាលនៃជំងឺកូរីដ១៩ បំប្លែងថ្មី "Deltal Delta Plus” សូមប្រជាពលរដ្ឋខ្មែរ ពលករ សិស្សនិស្សិត ដែលកំពុងស្នាក់នៅ ធ្វើការ និងសិក្សា នៅប្រទេស ម៉ាឡេស៊ី កុំធ្វើការបន្លាស់ទីពីកន្លែងមួយទៅកាន់ទីកន្លែងមួយ។
ជាមួយនឹងការហាមមិនឲ្យបន្លាស់ទី ស្ថានទូតកម្ពុជា ក៏ព្រមានដែរថា ប្រសិនបើពុំមានការចាំបាច់ និងចៀសវាងការធ្វើដំណើរវិលត្រឡប់ទៅកម្ពុជានៅក្នុងអំឡុងពេលនេះ ដែលអាចបង្កហានិភ័យ និងអាចនាំយកជំងឺកូវីដ១៩ បំប្លែងថ្មី DaDAs ចូលកម្ពុជាថែមទៀត។
ស្ថានទូតបានបញ្ជក់ថា៖ «ជំងឺកូរីដ ១៩ បំប្លែងថ្មី -Deltal Delta Plus កំពុងមានហានិភ័យខ្ពស់ និងការកើនឡើងយ៉ាងឆាប់រហ័សក្នុងរយៈពេលជាងមួយខែកន្លងមកនេះ ទាំងនៅប្រទេសកម្ពុជា និងក្នុងប្រទេសម៉ាឡេស៊ី។ សូមចូលរួមចាក់វ៉ាក់សាំងការពារជំងឺកូវីដ១៩ ដែលផ្ដល់ឱ្យដោយអាជ្ញាធរម៉ាឡេស៊ីឱ្យ បានគ្រប់ៗគ្នា»។
បន្ថែមពីនេះ ស្ថានទូត ក៏អំពាវនាវដល់ពលរដ្ឋខ្មែរ ឲ្យចូលរួមអនុវត្តន៍តាមការណែនាំរបស់ក្រសួងសុខាភិបាលប្រទេស ម៉ាឡេស៊ី ឱ្យបានខ្ជាប់ខ្ជួន ជាពិសេស វិធានការការពារនានារបស់អាជ្ញាធរម៉ាឡេស៊ី ដើម្បីជួយការពារសុវត្ថិភាព ផ្ទាល់ខ្លួនរបស់បងប្អូន។
សូមជម្រាប់ថា ជំងឺកូរីដ១៩ បំប្លែងថ្មី "Deltal Delta Plus” មិនត្រឹមតែកំពុងផ្ទុះរីករាលដាលនៅប្រទេស ម៉ាឡេស៊ី ប៉ុណ្ណោះទេ សូម្បីប្រទេសជិតខាងកម្ពុជា ដូចជា ប្រទេសថៃ ប្រទេសវៀតណាម ក៏កំពុងតែមានសន្ទុះឆ្លងរីករាលដាលខ្លាំង ដែលជាហេតុនាំឲ្យប្រទេសទាំងនោះ បានដាក់វិធានជាបន្តបន្ទាប់ និងបានបិទតំបន់សំខាន់ៗមួយចំនួនរបស់ខ្លួន ដើម្បីទប់ស្កាត់ការឆ្លងរីករាលនៃជំងឺកូវីដបំប្លែងថ្មីនេះ៕
វីដេអូ៖
