សៀមរាបៈ រដ្ឋបាលខេត្តសៀមរាបសម្រេចបន្តវិធានការបម្រាមគោចរ ដោយផ្អាកការធ្វើចរាចរណ៍ និងសកម្មភាពការងារមុខរបររយៈពេល ២ សប្តាហ៍ទៀត ចាប់ពីថ្ងៃជូនដំណឹងរហូតដល់ថ្ងៃទី ២៤ ខែកក្កដា ដើម្បីទប់ស្កាត់ការឆ្លងរាលដាលនៃជំងឺកូវីដ ១៩។
សេចក្តីជូនដំណឹងរបស់រដ្ឋបាលខេត្តសៀមរាបបានឱ្យដឹងថា ដើម្បីទប់ស្កាត់ការឆ្លងរាលដាលនៃជំងឺកូវីដ ១៩ ក្នុងភូមិសាស្ត្រខេត្តសៀមរាប រដ្ឋបាលខេត្តសម្រេចបន្តដាក់ចេញនូវវិធានការជាបណ្តោះអាសន្នផ្អាករាល់ការធ្វើចរាចរណ៍ សកម្មភាពការងារ មុខរបរ ឬអាជីវកម្មនៅចន្លោះម៉ោង ៨ យប់ ដល់ម៉ោង ៤ ទៀបភ្លឺរយៈពេល ២ សប្តាហ៍រហូតដល់ថ្ងៃទី ២៤ ខែកក្កដា ឆ្នាំ ២០២១។
រដ្ឋបាលខេត្តសៀមរាបបានឱ្យដឹងថា គិតត្រឹមថ្ងៃទី ១៥ ខែកក្កដា នេះ ខេត្តសៀមរាបមានអ្នកវិជ្ជមានកូវីដ ១៩ សរុបចំនួន ២៨ ៣១ នាក់ ព្យាបាលជាសះស្បើយចំនួន ១ ១០៩ នាក់ ស្លាប់ ២៦ នាក់ និង ១ ៦៩៦ នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប មណ្ឌលចត្តាឡីស័កគរុកោសល្យ និងវីក្រឹត្យការខេត្ត វិទ្យាល័យអង្គរ និងវិទ្យាល័យដំដែក៕