The Phnom Penh Post Search

Search form

Logo of Phnom Penh Post newspaper Phnom Penh Post - ខេត្ត​កំពង់ឆ្នាំង​នឹង​ក្លាយជា​គោលដៅ​ទាក់ទាញ​ទេសចរ បន្ទាប់ពី​កំណាត់​ផ្លូវជាតិ​លេខ​ ៥ ​ដាក់​ឱ្យ​ដំណើរការ




ខេត្ត​កំពង់ឆ្នាំង​នឹង​ក្លាយជា​គោលដៅ​ទាក់ទាញ​ទេសចរ បន្ទាប់ពី​កំណាត់​ផ្លូវជាតិ​លេខ​ ៥ ​ដាក់​ឱ្យ​ដំណើរការ

Content image - Phnom Penh Post
ឯកឧត្តម ស៊ុន សុវណ្ណារិទ្ធិ អញ្ជើញ​ចុះ​ពិនិត្យ​ដំណើរការ​សាងសង់​រង្វង់មូល​រូប សំណាក​ឆ្នាំង និង​ដាំ​ដើមឈើ នៅក្នុង​ខេត្ត​កំពង់ឆ្នាំង។ រូបថត ក្រសួងព័ត៌មាន

ខេត្ត​កំពង់ឆ្នាំង​នឹង​ក្លាយជា​គោលដៅ​ទាក់ទាញ​ទេសចរ បន្ទាប់ពី​កំណាត់​ផ្លូវជាតិ​លេខ​ ៥ ​ដាក់​ឱ្យ​ដំណើរការ

កំពង់ឆ្នាំងៈ អភិបាលខេត្ត​កំពង់ឆ្នាំង​លោក ស៊ុន សុវណ្ណារិទ្ធិ ជឿជាក់​ថា ខេត្តកំពង់ឆ្នាំង​នឹង​ក្លាយជា​គោលដៅ​ទាក់ទាញ​ភ្ញៀវទេសចរ​ជាតិ និង​អន្តរជាតិ​មកលេង​កម្សាន្ត បន្ទាប់ពី​គម្រោង​ធ្វើឱ្យ​ប្រសើរ​ឡើង​នៃ​កំណាត់​ផ្លូវជាតិ​លេខ​ ៥ ភាគខាងត្បូង ដាក់ឱ្យ​ដំណើរការ​ប្រើប្រាស់​ជា​ផ្លូវការ​។

លោក​បាន​លើកឡើង​បែបនេះ ខណៈ​ដែល​លោក​បាន​ដឹកនាំ​ក្រុមមន្ត្រី​ និង ក្រុមការងារ​គម្រោង​សាងសង់​ផ្លូវជាតិ​លេខ​ ៥ ចុះ​ពិនិត្យ​ដំណើរការ​សាងសង់​រូបសំណាក​ឆ្នាំង​នៅ​រង្វង់​មូល​ត្រង់ចំណុច​ផ្លូវបំបែក វាង​ក្រុង​កំពង់ឆ្នាំង ស្ថិត​ក្នុង​ភូមិ​ព្រៃខ្មែរ ឃុំ​រលាប្អៀរ ស្រុក​រលាប្អៀរ និង​បាន​ចូលរួម​ដាំ​កូនឈើ​តាម​បណ្តោយ​ផ្លូវភ្លោះ​វាង​ក្រុង ស្ថិត​ក្នុង​ឃុំ​ជ្រៃបាក់ ស្រុក​រលាប្អៀរ ខេត្ត​កំពង់ឆ្នាំង កាលពី​ថ្ងៃទី​ ១៥ ​ខែ​កក្កដា​ឆ្នាំ ​២០២១​។

លោក ស៊ុន សុវណ្ណារិទ្ធិ បាន​បញ្ជាក់ថា ក្រោយពី​ផ្លូវ​នេះ​ត្រូវ​បាន​សាងសង់​រួចរាល់​នឹង​ធ្វើឱ្យ​ខេត្ត​កំពង់ឆ្នាំង​ក្លាយ​ជា​ខេត្ត​ដែលមាន​សក្តានុពល​ផ្នែក​វិស័យ​ទេសចរណ៍ ដែល​មាន​បរិស្ថាន​ស្អាត​ទាក់ទាញ​បាន​នូវ​ភ្ញៀវ​ជាតិ និង​អន្តរជាតិ​មក​លេង​កម្សាន្ត​។

លោក​បន្តថា​៖ «​ខេត្ត​នឹងមាន​គម្រោង​បន្ថែមទៀត​ ដើម្បី​ទាក់ទាញ​អ្នក​វិនិយោគិន​ជាតិ និង​អន្តរជាតិ ហើយ​ក៏​សូម​សំណូមពរ​ឱ្យ​បងប្អូន​ប្រជាពលរដ្ឋ អ្នកប្រើប្រាស់​ផ្លូវថ្នល់​ទាំងអស់​សូម​ចូលរួម​គោរព​ច្បាប់​ចរាចរណ៍​ឲ្យ​បាន​ម៉ឺងម៉ាត់​បំផុត ដើម្បី​សុខ​សុវត្ថិភាព​យើង​ទាំងអស់​គ្នា​។

លោក ឈឹម ផល្លា ប្រធាន​នាយកដ្ឋាន​ផ្លូវថ្នល់​នៃ​ក្រសួង​សាធារណការ និង​ដឹកជញ្ជូន និង​ជា​ប្រធាន​គម្រោង​ស្ថាបនា​ផ្លូវជាតិ​លេខ​ ៥ បាន​ឱ្យ​ដឹងថា គម្រោង​ធ្វើឱ្យ​ប្រសើរ​ឡើង​កំណាត់​ផ្លូវជាតិ​លេខ​ ៥ ​ភាគខាងត្បូង (​ព្រែក​ក្ដាម​ធ្លាម្អម​) មាន​ប្រវែង​សរុប ១៣៥,២៤ ​គីឡូម៉ែត្រ ចាប់ពី​ព្រែកក្តាម (​ខេត្តកណ្តាល​) ដល់​ធ្លាម្អម (​ខេត្តពោធិ៍សាត់​) គឺជា​ផ្លូវ​ក្រាល​បេតុង​កៅស៊ូ​ AC ចែកជា​ ៤ ​គន្លង​ ២ ​ទៅ​ ២ មក​គ្រោង​សាងសង់​រយៈពេល​ ៤៨ ​ខែ​ជា​គម្រោង​ហិរញ្ញប្បទាន​សម្បទាន​ពី​រដ្ឋាភិបាល​ជប៉ុន រួមជាមួយ​ថវិកាបដិភាគ​របស់​រាជរដ្ឋាភិបាល​កម្ពុជា​។

លោក​បន្តថា ការស្តារ និង​អភិវឌ្ឍ​ហេដ្ឋារចនាសម្ព័ន្ធ​ដឹកជញ្ជូន​បាន​ឆ្លុះបញ្ចាំង​ឱ្យឃើញ​នូវ​ការយកចិត្ត​ទុកដាក់​ខ្ពស់​របស់​រាជរដ្ឋាភិបាល ក្រោម​ការដឹកនាំ​របស់​លោក​នាយករដ្ឋមន្ត្រី ហ៊ុន សែន ដើម្បី​លើកស្ទួយ​ជីវភាព​ប្រជាពលរដ្ឋ​ឲ្យ​កាន់តែ​ល្អប្រសើរ តាមរយៈ​កំណើន​នៃ​ការអភិវឌ្ឍ វិនិយោគ និង​ទេសចរណ៍ ព្រមទាំង​អាច​កាត់បន្ថយ​គ្រោះថ្នាក់ និង​ការកកស្ទះ​ចរាចរណ៍​បាន​យ៉ាងច្រើន​។

រដ្ឋបាលខេត្ត​កំពង់ឆ្នាំង​បាន​ឱ្យ​ដឹងថា សម្រាប់​ភូមិសាស្ត្រ​ខេត្ត​កំពង់ឆ្នាំង​មាន​ផ្លូវ​វាង​ចំនួន​ ៣ ​កន្លែង​គឺ​ទីតាំង​ទី​ ១ ក្នុង​ភូមិ​ផ្សារត្រាច ឃុំ​លង្វែក ស្រុក​កំពង់ត្រឡាច ត្រង់​ព្រំប្រទល់​ខេត្ត​កំពង់ឆ្នាំង និង​ខេត្ត​កំពង់ស្ពឺ ដែល​កំពុង​សាងសង់​រូបសំណាក​ព្រះគោ​ព្រះកែវ​។

ទីតាំង​ទី ​២ ក្នុង​ភូមិ​ព្រៃខ្មែរ ឃុំ​រលាប្អៀរ ស្រុក​រលាប្អៀរ ត្រង់ចំណុច​ផ្លូវបំបែក​វាង​ក្រុង​កំពង់ឆ្នាំង កំពុង​សាងសង់​រូបសំណាក​ឆ្នាំង និង​ផ្លូវ​វាង​ទី​ ៣ ក្នុង​ភូមិ​ខ្វិត ឃុំ​ពង្រ ស្រុក​រលាប្អៀរ ត្រង់​ចំណុច​ចុង​ផ្លូវ​វាង​ក្រុង​កំពង់ឆ្នាំង​បាន​សាងសង់​រូប​នារី​ស្មូនឆ្នាំង​៕

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។