ភ្នំពេញៈ អាជ្ញាធរខណ្ឌដូនពេញសម្រេចបិទខ្ទប់ការចេញចូលវត្តបទុមវតីដែលមានទីតាំងនៅតាមបណ្តោយវិថីឧកញ៉ាស៊ូស្រ៊ុន ស្ថិតក្នុងភូមិ ៣ សង្កាត់ចតុមុខ ខណ្ឌដូនពេញ រាជធានីភ្នំពេញ រយៈពេល ១៤ ថ្ងៃ ចាប់ពីថ្ងៃទី ២០ ខែកក្កដា នេះតទៅ ក្រោយរកឃើញព្រះសង្ឃនិងនិស្សិត២០អង្គ/នាក់មានវិជ្ជមានវីរុសកូវីដ១៩។
មន្រ្តីប្រចាំការនៅប៉ុស្តិ៍នគរបាលរដ្ឋបាលចតុមុខប្រាប់ ភ្នំពេញ ប៉ុស្តិ៍ នៅថ្ងៃទី ២០ កក្កដានេះថា ការបិទខ្ទប់នេះក្រោយពីក្រុមគ្រូពេទ្យបានធ្វើសំណាកចំនួន ៤០២ អង្គ/នាក់ ចំពោះព្រះសង្ឃ យាយជី តាជី និស្យិត និងជាងសំណង់ ហើយបានរកឃើញវិជ្ជមានវីរុសកូវីដ ចំនួន ២០ អង្គ/នាក់ ក្នុងនោះព្រះសង្ឃ ១០ អង្គ និងនិស្សិតចំនួន ១០ នាក់៕