.jpg)
គ្រូពេទ្យរៀបចំបូជាសពអ្នកស្លាប់ដោយសារជំងឺកូវីដ ១៩ កាលពីម្សិលមិញ។ រូបថត រដ្ឋបាលខេត្តព្រៃវែង
ភ្នំពេញ៖ មនុស្សចំនួន ៣៤ នាក់បន្ថែមទៀត បានស្លាប់ដោយសារជំងឺកូវីដ ១៩ និងមានការរកឃើញអ្នកឆ្លងជាង ៨០០ នាក់បន្ថែមទៀត ខណៈមានអ្នកជាសះស្បើយជិត ៩០០ នាក់។ នេះបើយោងតាមសេចក្តីប្រកាសរបស់ក្រសួងសុខាភិបាល។
ក្រសួងសុខាភិបាលបានឱ្យដឹងនៅព្រឹកថ្ងៃទី ២៣ ខែកក្កដា នេះថា ក្រសួងបានរកឃើញអ្នកឆ្លងវីរុសកូវីដ ១៩ បន្ថែមទៀតចំនួន ៨២៥ នាក់ និងមានអ្នកជាសះស្បើយចំនួន ៨៩៧ នាក់។
អ្នកដែលរកឃើញឆ្លងថ្មីនេះ មានករណីឆ្លងសហគមន៍ចំនួន ៤៩០ នាក់ និងអ្នកដំណើរពីបរទេស ចំនួន ៣៣៥ នាក់។
គិតត្រឹមព្រឹកថ្ងៃទី ២៣ ខែ កក្កដា ឆ្នាំ ២០២១ នេះ ប្រទេសកម្ពុជា មានអ្នកឆ្លងវីរុសកូវីដ ១៩ សរុបចំនួន ៧១ ២៤៤ នាក់ អ្នកជាសះស្បើយសរុប ចំនួន ៦៣ ៤៧៤ នាក់ និងមានអ្នកស្លាប់បានកើនឡើងដល់ ១ ២២២ នាក់៕
