កំពង់ចាម៖ រដ្ឋបាលខេត្ដកំពង់ចាមនាថ្ងៃទី ២៤ ខែកក្កដានេះ បានប្រកាសឱ្យដឹងថា មានករណីស្លាប់ដោយសារកូវីដ ១៩ ចំនួន ៦ នាក់ រកឃើញឆ្លងថ្មីចំនួន ៦៩ នាក់ និងព្យាបាលជាសះស្បើយចំនួន ១១ នាក់។
សេចក្ដីប្រកាសព័ត៌មានរដ្ឋបាលខេត្ដបញ្ជាក់ថា ករណីស្លាប់ដោយសារកូវីដ ១៩ ចំនួន ៦ នាក់ ក្នុងនោះរួមមាន ទី១ ស្ត្រីជនជាតិខ្មែរ អាយុ ៦៥ ឆ្នាំ នៅភូមិទី១២ សង្កាត់កំពង់ចាម ក្រុងកំពង់ចាម។ ទី២ ស្ត្រីជនជាតិខ្មែរ អាយុ ២៧ ឆ្នាំ នៅភូមិដូនប៉ែន ឃុំទំនប់ ស្រុកបាធាយ។ ទី៣ បុរសជនជាតិខ្មែរ អាយុ ៧៣ ឆ្នាំ នៅភូមិស្រែវាល ឃុំមេសរជ្រៃ ស្រុកស្ទឹងត្រង់។ ទី៤ បុរសជនជាតិខ្មែរ អាយុ ៨៣ ឆ្នាំ នៅភូមិបាធាយ ឃុំបាធាយ ស្រុកបាធាយ។ ទី៥ ស្ត្រីជនជាតិខ្មែរ អាយុ ៦៦ ឆ្នាំ នៅភូមិបាទី ឃុំព្រៃចារ ស្រុកជើងព្រៃ។ ទី៦ ស្ត្រីជនជាតិខ្មែរ អាយុ ៥៩ ឆ្នាំ នៅភូមិស្គន់ ឃុំសូទិព្វ ស្រុកជើងព្រៃ។
ចំណែកករណីរកឃើញវិជ្ជមានកូវីដ ១៩ ចំនួន ៦៩ នាក់ គឺស្ថិតនៅក្រុងកំពង់ចាមចំនួន ១២ នាក់ ស្រុកកំពង់សៀមចំនួន ៦ នាក់ ស្រុកកោះសូទិនចំនួន ២ នាក់ ស្រុកស្ទឹងត្រង់ចំនួន ១១ នាក់ ស្រុកជើងព្រៃចំនួន ១ នាក់ ស្រុកបាធាយចំនួន ៣ នាក់ ស្រុកព្រៃឈរចំនួន ៤ នាក់ ស្រុកកងមាសចំនួន ៣ នាក់ ស្រុកស្រីសន្ធរចំនួន ២ នាក់ ស្រុកចំការលើចំនួន ១៨ នាក់ មកពីខេត្តកំពង់ធំចំនួន ២ នាក់ រាជធានីភ្នំពេញចំនួន ១ នាក់ ខេត្តព្រៃវែងចំនួន ២ នាក់ និងខេត្តត្បូងឃ្មុំចំនួន ២ នាក់។
បើតាមរដ្ឋបាលខេត្ដត្រឹមថ្ងៃទី ២៤ ខែកក្កដានេះ អ្នកជំងឺដែលបានព្យាបាលជាសះស្បើយសរុបមានចំនួន ២ ៥៦៥ នាក់ និងអ្នកកំពុងសម្រាកព្យាបាលចំនួន ៨៧៦ នាក់។
រដ្ឋបាលខេត្តកំពង់ចាម បានអំពាវនាវដល់អ្នកពាក់ព័ន្ធ និងធ្លាប់ប្រាស្រ័យទំនាក់ទំនងនឹងអ្នកជំងឺកូវីដ ១៩ ឱ្យទៅពិនិត្យសុខភាព និងយកសំណាកនៅមន្ទីរពេទ្យបង្អែកដែលស្ថិតនៅជិតផ្ទះ ឬត្រូវរាយការណ៍ជូនអាជ្ញាធរមូលដ្ឋានជាបន្ទាន់ ឬតាមរយៈលេខទូរស័ព្ទ 070 828 788 / 012 736 755៕