.jpg)
គ្រូពេទ្យពេលនាំសពអ្នកឆ្លងជំងឺកូវីដ១៩ ទៅបូជា ក្នុងខេត្តព្រៃវែង។ រដ្ឋបាលខេត្ត
ភ្នំពេញៈមនុស្សចំនួន ២៩ នាក់បន្ថែមទៀតបានបាត់បង់ជីវិតដោយសារជំងឺកូវីដ១៩ និងអ្នករកឃើញឆ្លងថ្មីបន្ថែមមានជាង ៨០០ នាក់ ខណៈអ្នកជាសះស្បើយជាង ៧០០ នាក់ផងដែរ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី២៥ ខែកក្កដា នេះ បានឱ្យដឹងថា ក្រសួងបានរកឃើញអ្នកឆ្លងថ្មីចំនួន៨១៩នាក់ទៀតនិងមានអ្នកជាសះស្បើយចំនួន ៧១៦ នាក់។ ការរកឃើញឆ្លងថ្មីនេះ មានករណីឆ្លងសហគមន៍ចំនួន ៣៩៦នាក់ និងអ្នកដំណើរពីបរទេសរហូតដល់ ៤២៣នាក់។
គិតត្រឹមព្រឹក ថ្ងៃទី២៥ ខែកក្កដា ឆ្នាំ២០២១នេះ កម្ពុជាមានអ្នកឆ្លងជំងឺកូវីដ១៩សរុបទូទាំងប្រទេសចំនួន ៧២ ៩២៣នាក់ អ្នកជាសះស្បើយសរុបចំនួន ៦៥ ២៦៤នាក់ និងអ្នកស្លាប់បានកើនឡើងដល់ ១ ២៨៣នាក់៕
