ភ្នំពេញៈ ក្រសួងសុខាភិបាលបានប្រកាសរកឃើញមានអ្នកឆ្លងវីរុសកូវីដ ១៩ បន្ថែមទៀត ជិត ៨០០ នាក់ មានអ្នកជាសះស្បើយជិត ៧០០ នាក់ និងមានអ្នកស្លាប់បន្ថែមទៀតចំនួន ២២ នាក់។
យោងតាមសេចក្តីប្រកាសព័ត៌របស់ក្រសួងសុខាភិបាលនៅព្រឹកថ្ងៃទី ២៦ ខែកក្កដានេះ បានឱ្យដឹងថា អ្នកឆ្លងថ្មីបន្ថែមទៀតដែលបានរកឃើញមានចំនួន ៧៧៨ នាក់ អ្នកជាសះស្បើយ ចំនួន ៦៨៦ នាក់។ អ្នកដែលរកឃើញឆ្លងថ្មីបន្ថែមនេះ មានករណីឆ្លងសហគមន៍ចំនួន ៣០៣ នាក់ និងអ្នកដំណើរពីបរទេសរហូតដល់ ៤៧៥ នាក់។
គិតត្រឹមព្រឹកថ្ងៃទី ២៦ ខែ កក្កដា ឆ្នាំ ២០២១ កម្ពុជាមានអ្នកឆ្លងវីរុសកូវីដ ១៩ សរុបចំនួន ៧៣ ៧០១ នាក់ អ្នកជាសះស្បើយសរុបចំនួន ៦៥ ៩៥០ នាក់ និងអ្នកស្លាប់បានកើនឡើងដល់ ១ ៣០៥ នាក់៕