.jpg)
គ្រូពេទ្យយកសំណាកអាជីវករផ្សារអូឡាំពិកដើម្បីរកមេរោគកូវីដ នៅវិទ្យាល័យទួលស្វាយព្រៃ នាពេលកន្លងមក។ ហុង មិនា
ភ្នំពេញៈ មនុស្សចំនួន ១៩ នាក់បន្ថែមទៀត បានបាត់បង់ជីវិតដោយសារជំងឺកូវីដ ១៩ និងមានរកឃើញអ្នកឆ្លងថ្មីជិត ៧០០ នាក់ ខណៈអ្នកជាសះស្បើយជិត ៨០០ នាក់។
យោងតាមសេចក្តីប្រកាសរបស់ក្រសួងសុខាភិបាលនៅព្រឹកថ្ងៃទី ២៧ ខែកក្កដានេះ បានឱ្យដឹងថា ក្រសួងបានរកឃើញអ្នកឆ្លងថ្មីបន្ថែមទៀតចំនួន ៦៨៥ នាក់ និងមានអ្នកជាសះស្បើយ ចំនួន ៧៧៥ នាក់។ ការរកឃើញឆ្លងថ្មីនេះមានករណីឆ្លងសហគមន៍ ចំនួន ៤២៣ នាក់ និងអ្នកដំណើរពីបរទេសចំនួន ២៦២ នាក់។
គិតត្រឹមព្រឹក ថ្ងៃទី ២៧ ខែ កក្កដា ឆ្នាំ ២០២១ កម្ពុជាមានអ្នកឆ្លងសរុបចំនួន ៧៤ ៣៨៦ នាក់ អ្នកជាសះស្បើយសរុបចំនួន ៦៦ ៧២៥ នាក់ និងអ្នកស្លាប់បានកើនឡើងដល់ ១ ៣២៤ នាក់៕
