.jpg)
ក្រុមគ្រូពេទ្យដឹកសាកសពអ្នកជំងឺស្លាប់ដោយសារជំងឺកូវីដ ដើម្បីយកទៅបូជាកាលពីពេលថ្មីៗនេះ។ រូបថត ហ្វេសប៊ុក
ភ្នំពេញៈ ក្រសួងសុខាភិបាលនៅថ្ងៃទី ៣ ខែ សីហា ឆ្នាំ ២០២១ នេះ ប្រកាសពីការរកឃើញអ្នកស្លាប់ដោយសារជំងឺកូវីដ ១៩ ចំនួន ២៩ នាក់បន្ថែមទៀត ខណៈអ្នកឆ្លងថ្មីក្រសួងបន្តរកឃើញចំនួន ៥៧៧ នាក់ និងអ្នកជំងឺដែលបានព្យាបាលជាសះស្បើយថ្មីមានចំនួន ៦២៨ នាក់។
ក្រសួងសុខាភិបាលបានឱ្យដឹងថា ក្នុងចំណោមករណីឆ្លងថ្មី ៥៧៧ នាក់នេះ គឺមានករណីនាំចូលពីក្រៅប្រទេសចំនួន ២២៤ នាក់។ ចំណែកករណីស្លាប់ថ្មីមានចំនួន ២៩ នាក់។
បើតាមក្រសួងសុខាភិបាល គិតត្រឹមព្រឹកថ្ងៃទី ៣ ខែ សីហា ឆ្នាំ ២០២១ កម្ពុជាបានរកឃើញអ្នកឆ្លងជំងឺកូវីដ ១៩ សរុបចំនួន ៧៩ ០៥១ នាក់ ក្នុងនោះអ្នកជាសះស្បើយសរុបមានចំនួន ៧២ ១៤៥ នាក់ និងអ្នកស្លាប់សរុបកើនឡើងដល់ចំនួន ១ ៤៧១ នាក់៕
