The Phnom Penh Post Search

Search form




Logo of Phnom Penh Post newspaper Phnom Penh Post - លោក ស ខេង ផ្ដល់​អាហារូបករណ៍ ៦ ពាន់​កន្លែង​ សម្រាប់​សិស្ស​ត្រៀមប្រឡង​ថ្នាក់ ១២

លោក ស ខេង ផ្ដល់​អាហារូបករណ៍ ៦ ពាន់​កន្លែង​ សម្រាប់​សិស្ស​ត្រៀមប្រឡង​ថ្នាក់ ១២

Content image - Phnom Penh Post
សិស្ស​ពេល​ប្រឡង​បញ្ចប់​ថ្នាក់​ទី ១២ កាលពី​ឆ្នាំ ២០១៩។ រូប MoEYS

លោក ស ខេង ផ្ដល់​អាហារូបករណ៍ ៦ ពាន់​កន្លែង​ សម្រាប់​សិស្ស​ត្រៀមប្រឡង​ថ្នាក់ ១២

ភ្នំពេញៈ លោក ស ខេង រដ្ឋមន្ត្រី​ក្រសួងមហាផ្ទៃ តាមរយៈ​ក្រុមការងារ​អភិវឌ្ឍន៍​យុវជន​ខេត្តបាត់ដំបង​បានសម្រេច​ផ្តល់​អាហារូបករណ៍ ៦ ០០០ កន្លែង លើ​វគ្គ​បំប៉ន​ស្វ័យ​សិក្សា​ពី​ចម្ងាយ​រយៈពេល ២ ខែ ចាប់ពី​ខែកញ្ញា ដល់​ចុងខែ​តុលា សម្រាប់​សិស្សានុសិស្ស​ត្រៀមប្រឡង​សញ្ញាបត្រ​ទុតិយភូមិ ឬ​ថ្នាក់​ទី ១២ ក្នុង​ឆ្នាំ​សិក្សា ២០២១ ក្នុង​ខេត្ត​បាត់ដំបង។

លោក សុខ វាសនា តំណាង​ក្រុមការងារ​អភិវឌ្ឍន៍​យុវជន​ខេត្តបាត់ដំបង ថ្លែងប្រាប់​ភ្នំពេញ- ប៉ុស្ដិ៍ កាលពី​ម្សិលមិញ​ថា វគ្គ​សិក្សា​នេះ​នឹងមាន​ការណែនាំ​ពី​សាស្ត្រាចារ្យ​ដោយផ្ទាល់ តាម​អនឡាញ។ ក្នុងនោះ​សិស្សានុសិស្ស​នឹង​អាច​សិក្សា​ជាមួយ​លោកគ្រូ-អ្នកគ្រូ​មកពី​សាលារៀន​ជំនាន់​ថ្មី ទទួល​បាន​នូវ​មេរៀន លំហាត់​វិញ្ញាសា និង​កិច្ចការ​ផ្ទះ។ សិស្សានុសិស្ស​ក៏​នឹង​អាច​ពិភាក្សា សួរ​សំណួរ​ប្រឡង និង​អាច​មើល​អត្រា​កំណែ​តាម Mobile App។

លោក​បាន​ថ្លែងថា៖ «នៅពេល​បព្ចាប់​ការសិក្សា​នឹង​មាន​ការប្រឡង​រួមមួយ ដូចនឹង​ការប្រឡង​ថ្នាក់ជាតិ និង​មាន​លទ្ធផល​ជា​និទ្ទេស​សម្រាប់ប្អូន។ ហើយ​សិស្សានុសិស្ស​ទាំងអស់​អាច​សិក្សា​ភាសា​អង់គ្លេស នៅលើ​បណ្ណាល័យ​អេឡិចត្រូនិក អមដោយ​ឯកសារ និង​សៀវភៅ​ជាច្រើន​ព្រមទាំង​ការស្វ័យ​សិក្សា​តាមរយៈ​វីដេអូ​របស់​ក្រសួង និង​សាលារៀន​ជំនាន់​ថ្មី​ផងដែរ»។

បើតាម​លោក វាសនា សិស្សានុសិស្ស​នៅ​ខេត្តបាត់ដំបង ឬ​អាណាព្យាបាល​ដែល​ចាប់អារម្មណ៍​អាច​ទាក់ទង​មក​ក្រុម​ការងារ​អភិវឌ្ឍន៍​យុវជន​ខេត្តបាត់ដំបង។

ក្រសួង​អប់រំ យុវជន និង​កីឡា កាលពី​ថ្ងៃទី ១៧ ខែមិថុនា ឆ្នាំ ២០២១ នេះ បានចេញ​សេចក្ដី​ណែនាំ​កំណត់​យក​ថ្ងៃទី ១៥ ខែវិច្ឆិកា ជា​ថ្ងៃ​ប្រឡង​សញ្ញាបត្រ​មធ្យមសិក្សា​បឋមភូមិ (ថ្នាក់​ទី ៩) និង​ថ្ងៃទី ៦ ខែធ្នូ ប្រឡង​សញ្ញាបត្រ​មធ្យមសិក្សា​ទុតិយភូមិ (បាក់ឌុប) នៅតាម​សាលា​រដ្ឋ​នានា​ទូទាំងប្រទេស សម្រាប់​ឆ្នាំ​សិក្សា ២០២០-២០២១។

ចំណែក គ្រឹះស្ថានសិក្សា​ឯកជន​ត្រូវបាន​ក្រសួង​អនុញ្ញាត​ឱ្យ​រៀបចំ​ការប្រឡង​នៅតាម​គ្រឹះស្ថានសិក្សា​រៀងៗ​ខ្លួន ដោយ​កំណត់​យក​ថ្ងៃទី ១១ ខែតុលា ឆ្នាំ ២០២១ សម្រាប់​ការប្រឡង​សញ្ញាបត្រ​មធ្យមសិក្សា​បឋមភូមិ (ថ្នាក់​ទី ៩) និង​ការប្រឡង​បាក់ឌុប​នៅ​ថ្ងៃទី ២៥ ខែតុលា ឆ្នាំ ២០២១។

លោក សុខ វាសនា បាន​បញ្ជាក់ថា កាលពី​ឆ្នាំ​កន្លងទៅ​មិនទាន់​មាន​ការផ្ទុះ​ការរីករាលដាល​ជំងឺ​កូវីដ ១៩ លោក ស ខេង តាមរយៈ​ក្រុមការងារ​អភិវឌ្ឍន៍​យុវជន​ខេត្តបាត់ដំបង​ក៏បាន​បើក​វគ្គ​បណ្ដុះបណ្ដាល ដោយផ្ទាល់​ដល់​សិស្សានុសិស្ស ត្រៀមប្រឡង​បាក់ឌុប​ដែរ។

ប៉ុន្ដែ​ឆ្នាំនេះ​ ដោយសារ​តែ​បញ្ហា​ការរីករាលដាល​នៃ​ជំងឺ​កូវីដ ១៩ ទើប​សម្រេច​រៀបចំ​ការបណ្ដុះបណ្ដាល​នេះ​តាម​អនឡាញ​វិញ។ សម្រាប់​ឆ្នាំ​សិក្សា ២០២០-២០២១ នេះ​នៅ​ខេត្ដ​បាត់ដំបង​មាន​សិស្ស​ដែល​ត្រូវ​ប្រឡង​បាក់ឌុប​ជាង ៦ ពាន់​នាក់ ដូច្នេះ​ការផ្ដល់​អាហារូបករណ៍​តាមរយៈ​វគ្គ​បណ្ដុះបណ្ដាល​នេះ គឺ​ដើម្បី​ពង្រឹង​សមត្ថភាព​សិស្សានុសិស្ស​បន្ថែមទៀត​សម្រាប់​ត្រៀមខ្លួន៕

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។