The Phnom Penh Post Search

Search form

Logo of Phnom Penh Post newspaper Phnom Penh Post - មនុស្ស២នាក់ ត្រូវបញ្ជូនទៅតុលាការនិង ១ ៨៥៣នាក់ ធ្វើការអប់រំនិងពិន័យ ពាក់ព័ន្ធការល្មើសវិធានការទប់ស្កាត់កូវីដ




មនុស្ស២នាក់ ត្រូវបញ្ជូនទៅតុលាការនិង ១ ៨៥៣នាក់ ធ្វើការអប់រំនិងពិន័យ ពាក់ព័ន្ធការល្មើសវិធានការទប់ស្កាត់កូវីដ

Content image - Phnom Penh Post
សមត្ថ​កិច្ច​ក្នុង​ខណ្ឌ​មាន​ជ័យ​ឃាត់​អ្នក​បើកបរ​ដែល​ល្មើស​នឹង​បម្រាម​គោចរ កាលពី​យប់​ថ្ងៃ​ទី​១ ខែ​សីហា។ ហ៊ាន រង្សី

មនុស្ស២នាក់ ត្រូវបញ្ជូនទៅតុលាការនិង ១ ៨៥៣នាក់ ធ្វើការអប់រំនិងពិន័យ ពាក់ព័ន្ធការល្មើសវិធានការទប់ស្កាត់កូវីដ

ភ្នំពេញៈសមត្ថកិច្ចបានបញ្ជូនមនុស្ស២នាក់ ទៅតុលាការ ពាក់ព័ន្ធនឹងការល្មើសវិធានការសុខាភិបាល និងវិធានការរដ្ឋបាល និងធ្វើការអប់រំផ្សព្វផ្សាយច្បាប់បានចំនួន ៩៦០ ទីតាំង ព្រមទាំងអនុវត្តវិធានការច្បាប់បាន ១១៦៥ករណី ធ្វើការអប់រំ និងពិន័យមនុស្សបានចំនួន ១ ៨៥៣នាក់ នៅថ្ងៃទី៧ ខែសីហា ឆ្នាំ២០២១។

សេចក្តីជូនដំណឹងរបស់គណៈកម្មការអន្តរក្រសួង ដើម្បីប្រយុទ្ធប្រឆាំងនឹងជំងឺកូវីដ១៩ (គ.អ.ក) នៅថ្ងៃទី៧ ខែសីហាបានឲ្យដឹងថា សមត្ថកិច្ចបានបញ្ជូនមនុស្ស២នាក់ ទៅតុលាការដើម្បីចាត់ការតាមច្បាប់ បន្ទាប់ពីបានរកឃើញថា ពួកគេ ពាក់ព័ន្ធនឹងបទល្មើសវិធានការសុខាភិបាល និងវិធានការរដ្ឋបាល។

សេចក្តីជូនដំណឹងបញ្ជាក់ថា នៅថ្ងៃដដែលនោះ សមត្ថកិច្ចបានអនុវត្តវិធានការអប់រំផ្សព្វផ្សាយច្បាប់ បានចំនួន ៩៦០ ទីតាំង និងអនុវត្តវិធានការច្បាប់មានចំនួន ១១៦៥ករណី ឃាត់ខ្លួនមនុស្សមកធ្វើការអប់រំ និងពិន័យចំនួន ១ ៨៥៣នាក់និងឃាត់យានយន្តបានចំនួន ១ ០៤៨គ្រឿង ពិន័យជាប្រាក់ បានចំនួន ២៧ ១០០ ០០០ រៀលផងដែរ៕

អត្ថបទគួរចាប់អារម្មណ៍