.jpg)
លោក ម៉ម ប៊ុនហេង នៅក្នុងសន្នីសីទកាសែត កាលពីខែមីនា ឆ្នាំនេះ។ ហេង ជីវ័ន
ភ្នំពេញៈ លោក ម៉ម ប៊ុនហេង រដ្ឋមន្ដ្រីក្រសួងសុខាភិបាល និងជាប្រធានគណៈកម្មការអន្តរក្រសួងប្រយុទ្ធនឹងជំងឺកូវីដ ១៩ ណែនាំឲ្យគ្រប់ស្ថាប័នពាក់ព័ន្ធ និងមន្ទីរពេទ្យទាំងអស់ទូទាំងប្រទេសមិនត្រូវអនុញ្ញាតឲ្យអ្នកជំងឺកូវីដ ១៩ ប្រភេទ «ដែលតា» សម្រាកព្យាបាលនៅតាមផ្ទះនោះទេ។
លោក ម៉ម ប៊ុនហេង បានអះអាងក្នុងលិខិតមួយច្បាប់ចុះថ្ងៃទី ៩ សីហាថា ការមិនអនុញ្ញាតបែបនេះ ដោយយោងតាមការចាំបាច់ក្នុងការគ្រប់គ្រងការព្យាបាលជំងឺកូវីដ ១៩ ជាពិសេសដោយផ្អែកទៅតាមទិន្នន័យផ្នែកអេពីដេមីសាស្ត្រនៃការឆ្លងរាលដាលនៃវីរុសកូវីដ ១៩ បំប្លែងខ្លួនថ្មី ប្រភេទដែលតា (Dota Varinrt) ព្រមទាំង ការសិក្សាស្រាវជ្រាវពីលទ្ធភាពចម្លងនិងរយៈពេលសកម្មរបស់វីរុសបំប្លែងខ្លួនថ្មីនេះ។
លោកបានបញ្ជាក់ថា៖ «អ្នកជំងឺកូវីដ ១៩ ប្រភេទដែលតា (ដែលបានបញ្ជាក់ដោយមន្ទីរពិសោធន៍ ឬស្ថិតក្នុងករណីសង្ស័យ) ទាំងចំពោះករណីនាំចូលពីក្រៅប្រទេស និងករណីក្នុងសហគមន៍ពុំត្រូវបានអនុញ្ញាតឱ្យព្យាបាលនៅតាមផ្ទះទេ ដោយតម្រូវឱ្យទៅទទួលការព្យាបាលនៅមណ្ឌលព្យាបាលជំងឺកូវីដ ១៩ ឬមន្ទីរពេទ្យព្យាបាលជំងឺកូវីដ ១៩ ដែលបានកំណត់អាស្រ័យទៅតាមកត្តាសុខភាពជាក់ស្តែងរបស់អ្នកជំងឺ»៕
វីដេអូ៖
