ភ្នំពេញៈ សមត្ថ​កិច្ចបាន​ឃាត់​យាន​យន្ត​ចំនួន​ ៩៩០ គ្រឿង ធ្វើការ​អប់រំ​និង​ពិន័យ​មនុស្ស​ចំនួន ៤ ១៥​៤​ នាក់ និង​បញ្ជូន​ទៅ​តុលា​ការ ១៣ ​នាក់ ពាក់​ព័ន្ធ​ករណី​ល្មើស​វិធាន​ការ​រដ្ឋបាល និង​វិធាន​ការ​សុខា​ភិបាល​​ដើម្បី​ទប់​ស្កាត់​ការ​ឆ្លង​រាល​ដាល​ជំងឺ​កូវីដ​កាលពីថ្ងៃ​ទី​ ១១ ​ខែ​សីហា។

យោង​តាម​សេចក្តី​ជូន​ដំណឹង​របស់​គណៈ​កម្មការ​អន្តរ​ក្រសួង ដើម្បី​ប្រយុទ្ធ​នឹ​ង​ជំងឺកូវីដ​ ១៩ (គ.អ.ក) ចេញ​​នៅ​ព្រឹក​ថ្ងៃទី​ ១២ ខែ​សីហា​នេះ បានឲ្យ​ដឹង​ថា សមត្ថ​កិច្ច​បាន​បញ្ជូន​មនុស្ស​ ១៣​ នាក់ ទៅ​តុលា​ការ ពាក់​ព័ន្ធ​ករណី​ល្មើស​វិធាន​ការ​រដ្ឋ​បាល និង​វិធាន​ការ​សុខា​ភិបាល នៅថ្ងៃ​ទី​ ១១ ខែ​សីហា ​និង​បាន​ធ្វើការ​ឃាត់​យាន​យន្ត​ចំនួន ​​៩៩០ គ្រឿង និង​បាន​ធ្វើការ​អប់រំ​ពិន័យ​មនុស្ស​ចំនួន ​​ ៤ ១៥៤​ នាក់។

ក្នុង​សេចក្តី​ជូន​ដំណឹង បាន​ឲ្យដឹ​ង​ថា នៅ​ក្នុង​ថ្ងៃ​ដដែល​នេះ សមត្ថកិច្ច​បាន​អនុវត្ត​វិធាន​ការ​ច្បាប់​ចំនួន​​ ២ ០៥៨​ ករណី ទៅលើ​ទីតាំង​សរុប​ចំនួន​ ១ ៣៦៥ កន្លែង និងពិ​ន័យ​ជាប្រាក់​បាន​ចំនួន​ ២៦ ០០០ ០០០​ រៀល៕