The Phnom Penh Post Search

Search form

Logo of Phnom Penh Post newspaper Phnom Penh Post - រដ្ឋបាល​ខេត្ត​ក្រចេះ ប្រកាស​អនុញ្ញាត​ឱ្យ​បើក​ដំណើរការ​ឡើង​វិញ​ទីតាំង​ផ្សារ​ស្នួល និង​ផ្លូវ​ព័ទ្ធ​ជុំវិញ​ផ្សារ




រដ្ឋបាល​ខេត្ត​ក្រចេះ ប្រកាស​អនុញ្ញាត​ឱ្យ​បើក​ដំណើរការ​ឡើង​វិញ​ទីតាំង​ផ្សារ​ស្នួល និង​ផ្លូវ​ព័ទ្ធ​ជុំវិញ​ផ្សារ

Content image - Phnom Penh Post
​លោក វ៉ា ថន អភិបាល​ខេត្ត​ក្រចេះ។ រូបថត រដ្ឋបាលខេត្ត

រដ្ឋបាល​ខេត្ត​ក្រចេះ ប្រកាស​អនុញ្ញាត​ឱ្យ​បើក​ដំណើរការ​ឡើង​វិញ​ទីតាំង​ផ្សារ​ស្នួល និង​ផ្លូវ​ព័ទ្ធ​ជុំវិញ​ផ្សារ

រដ្ឋបាល​ខេត្ត​ក្រចេះ​ប្រកាស​អនុញ្ញាត​ឱ្យ​បើក​ដំណើរការ​ឡើង​វិញ​ទីតាំង​ផ្សារ​ស្នួល និង​ផ្លូវ​ព័ទ្ធ​ជុំវិញ​ផ្សារ ស្ថិត​នៅ​ភូមិក្បាល​ស្នួល ឃុំ​ស្នួល ស្រុក​ស្នួល ខេត្ត​ក្រចេះ ចាប់​ពី​វេលា​ម៉ោង ១១ និង ៣០​នាទី​ថ្ងៃទី ១៤ ខែ​សីហា​នេះ​តទៅ​ ប៉ុន្តែ​ត្រូវ​បន្ត​អនុវត្ត​វិធានការ​សុខាភិបាល​ឲ្យ​បានម៉ឺង​ម៉ាត់។

យោង​តាម​លិខិត​របស់​លោក វ៉ា ថន អភិបាល​ខេត្ត​ក្រចេះ កាល​ពី​ម្សិលមិញ​បាន​សម្រេច​អនុញ្ញាត​ឱ្យ​បើក​ដំណើរ​ការ​ឡើង​វិញ​ទីតាំង​ផ្សារស្នួល និង​ផ្លូវ​ព័ទ្ធ​ជុំវិញ​ផ្សារ ដែល​ស្ថិត​នៅ​ភូមិ​ក្បាល​ស្នួល ឃុំ​ស្នួល ស្រុក​ស្នួល ចាប់​ពី​ម៉ោង ១១ និង ៣០ នាទី​ថ្ងៃ​ទី​១៤ ខែ​សីហា ត​ទៅ។ យ៉ាង​ណា​ក៏​ដោយ អាជីវកម្ម និង​អ្នក​លក់​ដូរ​ក្នុង​ផ្សារ​នេះ ត្រូវ​បន្ត​អនុវត្ត​វិធានការ​សុខាភិបាល​ដើម្បី​ការពារ​ការ​ឆ្លង​រីក​រាល​ដាល​នៃ​ជំងឺ​កូវីដ១៩។

លោក​អភិបាល​ខេត្ត​បាន​សរសេរ​ក្នុង​លិខិត​ថា «គ្រប់​អាជីវកម្ម អ្នក​លក់​ដូរ​ក្នុង​ផ្សារ​ស្នួល ដែល​ត្រូវ​បាន​អនុញ្ញាត​ឱ្យ​បើក​ដំណើរការ​ឡើង​វិញ ត្រូវ​អនុវត្ត​វិធានការ​សុខាភិបាល​ឲ្យ​បាន​ម៉ឺង​ម៉ាត់​ជាអាទិ៍ ការពាក់​ម៉ាស់ ការ​រក្សា​គម្លាត​សុវត្ថិភាព ការ​ធ្វើ​អនាម័យ​ដើម្បី​សម្លាប់​មេរោគ ការ​វាស់កម្តៅ និង​ត្រូវ​អនុវត្ត​តាម​ការ​ណែនាំ​របស់​ក្រសួង​សុខាភិបាល ជាពិសេស ត្រូវ​ប្រកាន់​ខ្ជាប់​នូវ​វិធានការ ៣ ការពារ និង ៣​កុំ របស់​រាជរដ្ឋាភិបាល»។

លោក វ៉ា ថន បាន​ប្រគល់​ភារកិច្ច​ជូន​រដ្ឋបាល​ស្រុក​ស្នួល មន្ទីរ​ពាណិជ្ជកម្ម​ខេត្ត និង​រដ្ឋបាល​ឃុំ​ស្នួល ត្រូវ​សហការ​ចុះ​ត្រួត​ពិនិត្យ ក្នុង​ទី​តាំងផ្សារ​ស្នួល ដើម្បី​ធានា​សុវត្ថិភាព​ឱ្យ​បាន​ត្រឹម​ត្រូវ។

លោក​ថ្លែង​ថា៖ «ក្នុង​ករណី​រក​ឃើញ​ថា អ្នក​វិនិយោគ ភា​ស៊ីផ្សារ ឬ​បុគ្គល​ណា​ម្នាក់​មិន​ព្រម​សហការ ត្រូវ​ចាត់​វិធានការ​រដ្ឋបាល និង​វិធានការច្បាប់​ដោយ​គ្មាន​ការ​លើក​លែង​ឡើយ»៕

អត្ថបទគួរចាប់អារម្មណ៍