ក្រសួងសុខាភិបាលបានប្រកាសនៅព្រឹកថ្ងៃទី ២០ ខែសីហានេះថា មនុស្សចំនួន ១៥ នាក់ បានស្លាប់បាត់បង់ជីវិតដោយសារជំងឺកូវីដ ១៩ និងរកឃើញមានអ្នកឆ្លងបន្ថែមជាង ៥០០ នាក់ ខណៈមានអ្នកជាសះស្បើយជិត ៦០០ នាក់ផងដែរ។
យោងតាមសេចក្តីប្រកាសដដែលនេះ បានបញ្ជាក់ថា ក្រសួងសុខាភិបាលបានរកឃើញអ្នកឆ្លងកូវីដ ១៩ ថ្មីចំនួន ៥១៩ នាក់ និងមានអ្នកសះស្បើយចំនួន ៥៥៣ នាក់។ ការរកឃើញឆ្លងថ្មីនេះ មានករណីឆ្លងសហគមន៍ចំនួន ៣៣៤ នាក់ និងអ្នកដំណើរពីបរទេសចំនួន ១៨៥ នាក់។
គិតត្រឹមថ្ងៃទី ២០ ខែ សីហា ឆ្នាំ ២០២១ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ៨៨ ២៤២ នាក់ អ្នកជាសះស្បើយចំនួន ៨៣ ៨៥១ នាក់ និងអ្នកស្លាប់បានកើនឡើងរហូតដល់ ១ ៧៦២ នាក់៕