.jpg)
រដ្ឋបាលខេត្តកោះកុងប្រកាសអនុញ្ញាតឱ្យបើកដំណើរការឡើងវិញនូវទីតាំងផ្សារដងទង់ ស្ថិតក្នុងសង្កាត់ដងទង់ ក្រុងខេមរភូមិន្ទ ចាប់ពីថ្ងៃទី ២១ ខែសីហានេះតទៅ
កោះកុង៖ រដ្ឋបាលខេត្តកោះកុងប្រកាសអនុញ្ញាតឱ្យបើកដំណើរការឡើងវិញនូវទីតាំងផ្សារដងទង់ ស្ថិតក្នុងសង្កាត់ដងទង់ ក្រុងខេមរភូមិន្ទ ចាប់ពីថ្ងៃទី ២១ ខែសីហានេះតទៅ ប៉ុន្តែត្រូវបន្តអនុវត្តវិធានការសុខាភិបាល និងវិធានការរដ្ឋបាលឱ្យបានម៉ឺងម៉ាត់បំផុត។
រដ្ឋបាលខេត្តកោះកុងនៅថ្ងៃទី ២០ ខែសីហា បានប្រកាសអនុញ្ញាតឱ្យបើកដំណើរការឡើងវិញនូវទីតាំងផ្សារដងទង់ ស្ថិតក្នុងសង្កាត់ដងទង់ ក្រុងខេមរភូមិន្ទ ចាប់ពីថ្ងៃទី ២១ ខែសីហានេះតទៅ ប៉ុន្តែត្រូវបន្តយកចិត្តទុកដាក់បំផុតក្នុងការពង្រឹងការអនុវត្តវិធានការសុខាភិបាល និងវិធានការរដ្ឋបាលនានាឱ្យបានម៉ឺងម៉ាត់។
តាមរយៈសេចក្តីជូនដំណឹងថ្ងៃទី ២០ ខែសីហា រដ្ឋបាលខេត្តនេះបានប្រាប់ទៅអ្នកម៉ៅការភាស៊ីផ្សារដងទង់ អាជីវករ ម្ចាស់តូបលក់ដូរទាំងអស់ និងប្រជាពលរដ្ឋ ត្រូវបន្តចូលរួមជាមួយអាជ្ញាធរមូលដ្ឋានក្នុងការទប់ស្កាត់ការឆ្លងរាលដាលនៃជំងឺកូវីដ ១៩ គ្រប់ប្រភេទ ជាពិសេសត្រូវអនុវត្តវិធានការ ៣ការពារ ៣កុំ ឱ្យបានខ្ជាប់ខ្ជួនជានិច្ច។
ក្នុងសេចក្តីជូនដំណឹងសរសេរថា «ក្នុងករណី អ្នកម៉ៅការភាស៊ីផ្សារដងទង់ អាជីវករ និងអ្នកពាក់ព័ន្ធទាំងឡាយ ដែលមានចេតនាមិនសហការ ឬអនុវត្តផ្ទុយនឹងខ្លឹមសារនៃសេចក្តីសម្រេចនេះ ត្រូវទទួលខុសត្រូវចំពោះមុខច្បាប់ជាធរមាន ឬផ្អាកការលក់ដូរនៅក្នុង និងជុំវិញផ្សារដងទង»៕
