.jpg)
សកម្មភាពគ្រូពេទ្យនាំអ្នកឆ្លងជំងឺកូវីដ ១៩ ទៅព្យាបាលកន្លងទៅ។ ហេង ជីវ័ន
ភ្នំពេញៈ មនុស្សចំនួន ១៤ នាក់បន្ថែមទៀត បានស្លាប់ដោយសារជំងឺកូវីដ ១៩ ខណៈក្រសួងបានរកឃើញអ្នកឆ្លងវីរុសកូវីដ ១៩ បន្ថែមទៀតជិត ៥០០ នាក់ និងបានព្យាបាលជាសះស្បើយជិត ៦០០ នាក់ផងដែរ។
យោងតាមសេចក្តីប្រកាសរបស់ក្រសួងសុខាភិបាលនៅព្រឹកថ្ងៃទី ២២ ខែសីហានេះ បានឱ្យដឹងថា មនុស្សចំនួន ៤៩៦ នាក់ បានរកឃើញឆ្លងវីរុសកូវីដ ១៩ និងមានអ្នកជាសះស្បើយចំនួន ៥៧៥ នាក់។ ករណីរកឃើញឆ្លងបន្ថែមនេះមានករណីឆ្លងក្នុងសហគមន៍ចំនួន ៣២០ នាក់ និងអ្នកដំណើរពីបរទេសចំនួន ១៧៦ នាក់។
គិតមកទល់ត្រឹមថ្ងៃទី ២២ ខែសីហា ឆ្នាំ ២០២១ នេះ ប្រទេសកម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ៨៩ ២៣១ នាក់ អ្នកជាសះស្បើយសរុបចំនួន ៨៥ ០៨១ នាក់ និងអ្នកស្លាប់បានកើនឡើងដល់
១ ៧៩២ នាក់៕
