.jpg)
សមត្ថកិច្ចក្នុងខណ្ឌ៧មករា រាជធានីភ្នំពេញកំពុងសាកសួរអ្នកធ្វើដំណើរនៅពេលយប់ កាលពីយប់ថ្ងៃទី ១ សីហា។ ហ៊ាន រង្សី
ភ្នំពេញៈ សមត្ថកិច្ចបានឃាត់មនុស្សធ្វើការអប់រំ និងពិន័យចំនួន ៣៤២ នាក់ បញ្ជូនទៅតុលាការ ១ នាក់ និងឃាត់យានយន្ត ៩៧ គ្រឿង ពាក់ព័ន្ធករណីល្មើសវិធានការរដ្ឋបាល និងវិធានការសុខាភិបាលនៅថ្ងៃទី ២១ សីហា។ នេះបើតាមការប្រកាសរបស់ គណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ ១៩ (គ.អ.ក)។
តាមសេចក្តីជូនដំណឹង (គ.អ.ក) នៅព្រឹកថ្ងៃទី ២៥ ខែសីហានេះ បានឲ្យដឹងថា សមត្ថកិច្ចបានឃាត់រថយន្ត៣២គ្រឿង ម៉ូតូ ៦៥ គ្រឿង និងឃាត់ខ្លួនមនុស្សធ្វើការអប់រំនិងពិន័យចំនួន
៣៤២ នាក់ បញ្ជូនទៅតុលាការ១នាក់ នៅថ្ងៃទី ២៤ ខែសីហា ពាក់ព័ន្ធករណីល្មើសវិធានការរដ្ឋបាល និងវិធានការសុខាភិបាល។
ក្នុងសេចក្តីជូនដំណឹងបានបញ្ជាក់ថា នៅថ្ងៃដដែលនោះ សមត្ថកិច្ចបានអនុវត្តវិធានការច្បាប់ចំនួន ១៣១ ករណី និងផ្សព្វផ្សាយច្បាប់នៅតាមទីតាំងសរុបចំនួន ៦១២ និងពិន័យជាប្រាក់បានចំនួន ៣ ០០០ ០០០ រៀល៕
