.jpg)
ក្រុមគ្រូពេទ្យយកសំណាកអាជីវករផ្សារអូឡាំពិក ក្រោយមានការឆ្លងរីករាលដាលជំងឺកូវីដ ១៩។ រូបថត Olympic market
ភ្នំពេញៈ ក្រសួងសុខាភិបាលបានប្រកាសនៅព្រឹកថ្ងៃទី ២៦ ខែសីហានេះថា មនុស្សចំនួន ៦ នាក់បន្ថែមទៀត បានស្លាប់ដោយសារជំងឺកូវីដ ១៩ ដែលករណីស្លាប់មានការថយចុះខ្លាំងលើកដំបូង ក្នុងរយៈពេលប៉ុន្មានថ្ងៃចុងក្រោយនេះ ខណៈអ្នកឆ្លងថ្មីមានចំនួនជាង ៤០០ នាក់ និងជាសះស្បើយមានជិត ៣០០ នាក់។
យោងតាមសេចក្តីប្រកាសរបស់ក្រសួងបានបញ្ជាក់ថា ក្រសួងបានរកឃើញអ្នកដែលបានឆ្លងវីរុសកូវីដ ១៩ បន្ថែមចំនួន ៤២៣ នាក់ និងអ្នកដែលបានជាសះស្បើយមានចំនួន ២៩១ នាក់។ ការរកឃើញឆ្លងថ្មីនេះ មានករណីឆ្លងក្នុងសហគមន៍ចំនួន ៣១២ នាក់ និងអ្នកដំណើរពីបរទេសចំនួន ១១១ នាក់ផងដែរ។
គិតត្រឹមព្រឹក ថ្ងៃទី ២៦ ខែ សីហា ឆ្នាំ ២០២១ កម្ពុជាមានអ្នកជំងឺកូវីដ ១៩ សរុបទូទាំងប្រទេសចំនួន ៩០ ៩៥៨ នាក់ អ្នកជាសះស្បើយសរុបចំនួន ៨៦ ៩៩៣ នាក់ និងអ្នកស្លាប់បានកើនឡើងដល់ ១ ៨៤១ នាក់៕
