មនុស្សចំនួន ១៧ នាក់បន្ថែមទៀត បានស្លាប់បាត់បង់ជីវិត ដោយសារជំងឺកូវីដ ១៩ ខណៈរកឃើញអ្នកឆ្លងថ្មីបន្ថែមជាង ៤០០ នាក់ និងជាសះស្បើយចំនួនជាង ៣០០ នាក់។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ២៧ ខែសីហា នេះបានឱ្យដឹងថា ក្រសួងបានរកឃើញអ្នកឆ្លងវីរុសកូវីដ ១៩ បន្ថែមចំនួន ៤១១ នាក់ទៀត និងមានអ្នកជាសះស្បើយចំនួន ៣០៦ នាក់។ ការរកឃើញឆ្លងនេះមានករណីឆ្លងក្នុងសហគមន៍ចំនួន ៣២៦ នាក់ និងអ្នកដំណើរពីបរទេសចំនួន ៨៥ នាក់។
គិតត្រឹមព្រឹកថ្ងៃទី ២៧ ខែសីហា ឆ្នាំ ២០២១ កម្ពុជាមានអ្នកឆ្លងជំងឺកូវីដ ១៩ សរុបចំនួន ៩១ ៣៦៩ នាក់ អ្នកជាសះស្បើយសរុបចំនួន ៨៧ ២៩៩ នាក់ និងអ្នកស្លាប់បានកើនឡើងសរុបចំនួន ១ ៨៥៨ នាក់៕