The Phnom Penh Post Search

Search form

Logo of Phnom Penh Post newspaper Phnom Penh Post - សត្វស្លាប​កម្រ​ចំនួន ៤ ប្រភេទ ដែល​ជិត​ផុតពូជ​នៅលើ​សកល​លោក ត្រូវ​បាន​ថត​ជាប់​នៅក្នុង​ដែនជម្រក​សត្វព្រៃ​កែវសីមា




សត្វស្លាប​កម្រ​ចំនួន ៤ ប្រភេទ ដែល​ជិត​ផុតពូជ​នៅលើ​សកល​លោក ត្រូវ​បាន​ថត​ជាប់​នៅក្នុង​ដែនជម្រក​សត្វព្រៃ​កែវសីមា

Content image - Phnom Penh Post
សត្វត្រដក់តូច ដែលថតបានក្នុងដែនជម្រកសត្វព្រៃកែវសីមា ខេត្តមណ្ឌលគិរី ថ្ងៃទី​ ១៣ ខែ កក្កដា ឆ្នាំ ២០២១។ រូបភាព WCS Cambodia

សត្វស្លាប​កម្រ​ចំនួន ៤ ប្រភេទ ដែល​ជិត​ផុតពូជ​នៅលើ​សកល​លោក ត្រូវ​បាន​ថត​ជាប់​នៅក្នុង​ដែនជម្រក​សត្វព្រៃ​កែវសីមា

សត្វស្លាប​កម្រ​ចំនួន ៤ប្រភេទ ដែល​កំពុង​រងគ្រោះ និង​ជិត​ផុតពូជ​នៅ​លើ​សកល​លោក ត្រូវបាន​ថតជាប់​នៅក្នុង​ដែនជម្រក​សត្វព្រៃ​កែវសីមា ខេត្តមណ្ឌលគិរី។
 
រូបភាព​សត្វស្លាប​ទាំងនេះ ទទួល​បានពី​ម៉ាស៊ីនថត​ស្វ័យប្រវត្តិ ដែល​បាន​ដាក់​ដោយ​ក្រុម​ស្រាវជ្រាវ​របស់​អង្គការសមាគម​អភិរក្ស​សត្វព្រៃ (WCS) ក្រោមការ​គាំទ្រ​ពីគម្រោង CAMPAS ចាប់ពី​ថ្ងៃទី ១៤ ខែមិថុនា ដល់​ខែកក្កដា ឆ្នាំ​២០២១ ដើម្បី​សិក្សា​ស្រាវជ្រាវ​តាមដាន​វត្តមាន​សត្វព្រៃ​នៅក្នុង​ដែនជម្រកសត្វ​មួយនេះ។
 
យោងតាម​ក្រសួងបរិស្ថាន នៅថ្ងៃទី ២៦ ខែសីហា បានឱ្យដឹងថា ប្រភេទ​សត្វស្លាប​កម្រ​ចំនួន ៤ប្រភេទនោះ រួមមានសត្វក្រៀល សត្វត្រយ៉ងយក្ស ឬឪលើក សត្វត្រដក់តូច និង​សត្វកុកពាក់អំបោះ ដែល​ថត​បាន​ក្នុង​ដែនជម្រកសត្វព្រៃ​កែវសីមា។
 
ក្រសួង​បានបញ្ជាក់ថា ៖ «សត្វស្លាប​កម្រទាំងនេះ មាន​តិចតួច​ណាស់​ក្នុង​ដែនជម្រកសត្វព្រៃ​កែវសីមា ជាក់ស្តែងសត្វក្រៀល ដែលជា ប្រភេទ​សត្វស្លាប​កំពុង​រងគ្រោះ និង​មាន​តម្លៃ​ជាសកល នៅក្នុង​បញ្ជីក្រហម​របស់​អង្គការ​សហភាព​អន្តរជាតិ​ដើម្បី​ការ​អភិរក្ស​ធម្មជាតិ (IUCN) ដែលមាន​តែ​ប្រមាណ ៥ក្បាលប៉ុណ្ណោះ ដែល​ក្រុម​ស្រាវជ្រាវ​ប្រទះឃើញ​ក្នុង​ដែន​ជម្រកសត្វ​ព្រៃកែវសីមា»។
 
បច្ចុប្បន្ន មន្រ្តី​ឧទ្យានុរក្ស និង​ក្រុម​ស្រាវជ្រាវ​កំពុង​ខិតខំ​ការពារ​សម្បុក​ពងកូន​របស់​សត្វស្លាប​ទាំងនេះ ក្នុង​រដូវកាលបន្តពូជ និង​ពងកូន​ចាប់ពី​ខែមិថុនា និងវិច្ឆិកា។
 
ដើម្បី​ចូលរួម​ចំណែក​ក្នុងការ​អភិរក្ស​សត្វព្រៃ ក៏​ដូចជា​ប្រភេទ​សត្វស្លាប​កម្រ​ទាំងនេះ ក្រសួង​បរិស្ថាន បាន​អំពាវនាវ​ឱ្យ​ប្រជាពលរដ្ឋ​ទាំងអស់​ចូលរួម​ការពារ​សម្បុក​ពងកូន កុំបរបាញ់ កុំ​ដាក់អន្ទាក់ កុំ​ដាក់ថ្នាំបំពុល កុំ​បរិភោគ​សាច់សត្វព្រៃ និង​ចូលរួម​ការពារ​ទីជម្រក​ផងដែរ៕

វីដេអូ៖

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។